حشد كبير من الجمهور ونجاح متميز في أمسية ديوان العرب { صور كامله}
تغطية : أحمد عايض الشراري
أقام ديوان العرب أمسية شعرية يوم الخميس الماضي أحياها كلا من الشاعر
جزاء البقمي و الشاعر نايف بن عرويل والشاعر عايض راشد وأدار الأمسية الصحفي سلمان
العصيميي وذلك في مقر فندق السفير بالرياض وكانت الأمسية برعاية قناة الواحه ومجلة
شعبية و مجلة بروز ومجلة قطوف ومجلة نسايم ومجلة ليالينا ومجلة الفوارس جريدة
الرياض وجريدة الجزيرة وجريدة الرياضي وجريدة زوايا .
وبدأ عريف الأمسية بمقدمه مختصره عن الشعراءوكانت البدايه مع الشاعر عايض راشد
بقصيده يخاطب فيها الأستاذ فيصل الهاملي يقول فيها
[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا اتصل فيصل علي دقيت سلف وجيت ساري = ماتكاودت الطريق وما تكاثرت المسافه
فوق من يجعل ثقيل العقل لا ساق انتحاري = مثل من شاف الحيا قدام والرمضا خلافه
ولا لقفت نكاس فيصل يا يميني يا يساري = عادته مرحب هلا اقلط على قل الكلافه
إلى ان قال
جيت اسمعكم قصيدً من خيالي وابتكاري = عقب ماكان الصدر مقره ودار اعتكافه
ان صح والا يا جعله فدوه لزيد ومشاري = جعل تفداكم جروح القلب والشعر وخلافه
ومن ثم الأنتقال للشاعر جزاء البقمي وبدأ في بقصيده وكانت مناسبتها { طلب العفو}
يقول فيها
هلت العبره من اللي قد سمعته من سعود ..=.. قصة{ن}خلت دموعي من مدامعها تسيل
صارت بها الوقت ماصارت على وقت الجدود.=شي واقع قد حدث ملموس والدنيا تعيل
بنت تقبع في سجن محروس بسلاح الجنود..=لايداس ولا يجاس دونها خشم الفتيل
إلى ان قال
تذكر الطفل وأخواته تذكر الزوج الودود .=. تذكر الأم العجوز ولا بقى في الحيل حيل
تذكر اخوان وأخواته هلت العبره لعود =شايب {ن} من زود همه يكتم العبره ذليل[/poem]
ومن ثم الأنتقال للشاعر نايف بن عرويل يقول فيها
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
للطيب درب وللرخامه متاهات =ويالي بغيت الطيب اسمع مقالي
صل الصلاة واد كل العبادات=واسجد لوجه الله عزيز الجلالي
وللوالدين حقوق ذكرت بالايات=ياجب عليك اصغاء ثم امتثالي
إلى أن قال
هاذي لأهل الطيب مثل العلامات=نضمت فيها كل كار ٍ طرالي
وللطيب درب وللرخامه متاهات =ويالي بغيت الطيب طبق مقالي
ومازال الشاعر نايف متألقاً في قصيده أجتماعيه رائعه
مشكلتنا في البطالة قالها الي ما فهمها = لا وربي الي خلقنا مشكلتنا في البطانه
بالقصور وبالتغاضي والتهاون نتهمها = من طيوف الشعب كله يستحقون الادانه
الى ان قال
ومن يقول بغير ذلك اله نظره واحترامها =المهم الي بقوله صار واضح في بيانه
والمشاعر لو تخير كان هجت من قلمها = وكان ماقالت قصيدة في الحريم وفي البطانه[/poem]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وأنتقل عريف الأمسيه إلى الشاعر عايض بن راشد وفي قصيده يقول منها
يا قلب لا تشتكي ويا عين كفي الدموع = الله ولا سواه والدنيا على فالها
لو كان همي بقلبي يبتليني اسبوع = ما غرد الحزن في نفسي وغنالها
وانا ابن ادم وقلبي يصطلق بالضلوع = انسان حي وحياتي حيه احوالها
الى ان قال
الفقر ماهو بقل المال والا بجوع = ولا الغنى ابلجيوب وكثرة اموالها
ولا الشجاعه بسل السيف تو الجموع= ولا الاصال بفارسها وخيالها
ويستمر التميز مع قصيدة الشاعر عايض بن راشد
انا ما عاد ارجي من عيونك كثير ولا قليل = وماني مطالب فدوتن لك كل جهدي وتعبي
احتجت لك في وقت فيه الصد شي مستحيل = صديت ماكنك بوقت قد مضى جيت تحبي
وانا فزعت وفزعتي مانيب اسميها جميل =ذي عادتي ومن قبل لا اخلق عاده لجدي وابي
الى ان قال
هنا انا باقي ولاكن انت ابدى بالرحيل =قد كنت غاية مطلبي والحين منت بمطلبي
ماهوب انا اللي ينخذل يا صاحب الوجه الجميل = و الله مالك قلبة عندي ولو جيت تحبي[/poem]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ومن ثم الأنتقال للشاعر جزاء البقمي وفي قصيده بعنوان { تكفى }
ليتك تدري باللي جاني .=... من هموم ومن أحزاني
غبت وشوهت المحبه ...=.. إبلا سبة وبرهاني
غبت وعيني ماسكنها ....=. غير طيفك بالاجفاني
إلى أن قال
جيتك وأنا صدري فايح .=. وأردد بيت الشيباني
تكفى تكفى تكفى تكفى .. =تكفى تكفى لاتنساني
وتفاعل الجمهور مع القصيده
وأستمر الشاعر جزاء البقمي في قصيده رائعه يقول فيها
انتشـر حبـك بجسمـي .. لا وحتـى بالعـظـام = واختلـط حبـك بدمـي .. فالمعالـيـق
يـعـدي
يـا هيـام ٍ فـي هيـام ٍ فـي هيـام ٍ فـي هيـام = يا ضياعي ! يـا اتجاهـي ! يـا
دروب المهتـدي
لو تـذوق النـوم .. جفنـي مـا تهنّـى بالمنـام = طاوله فيـك الغـرام .. وطاولـه
فيـك سهـدي
إلى أن قال
مـا بغيتـك فالظـلام .. ولا بغيتـك بالحـرام ! = مـا بغيتـك غيـر بالعـز الشريـف
المقـتـدي
مـا بغيتـك بالتلاعـب .. مـا بغيتـك بالـكـلام = مـا بغيـت إلاّ اخـوك يصيـر خـال ٍ
لولـدي
ومازال الأبداع متجدد مع الشاعر جزاء البقمي قصيده بعنوان { علم يجمد على الشارب}
وكانت شيله على لحن { وصيت قلبي } وتفاعل معها الجمهور وبشده
العمر يفنى .. وتال العمر زوّالي = الله و أكبر على الدنيا وباغيهاا !!
( جابت قناة الرشاوي زيف الانذالي ) = زمرة ردى باول الدنيا وتاليهاا !!
و جابوا تلافيقهم .. رجلي وخيّالي !! = وصارت في وجه الحقيقه من يجاريهاا !!
إلى أن قال
اقول اخليه .. فال الله ولا فالي ) !! = ( يا كيف نفسي تصد اللي مهنيهاا ) !!
له فالحنايا .. ( بيوت وقدر وإجلالي ) !! = ( والعين ما غيره من الناس ماليهاا ) !!
[/poem]
[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
و من ثم الأنتقال للشاعر نايف بن عرويل في قصيده يقول فيها
قمت بدري بغير طبعي وكان جوي ياسلام=كاسة الشاي بيميني والشمال بمقودي
قايم ٍ والبال رايق رايح ٍيم الدوام=والدوام بربع ساعه ربع ساعه يبتدي
قبل ماصل شفت لوحه تعني المخرج امام=ديرة الي لا وحشته قال وينك يا بعدي
إل أن قال
مادريت الى العساكر حطوا النقطة نظام=فتشوا يوم وصلوني عاد عقلي ورشدي
عاد عقلي وانتبهت وقمت اخمخم فالحزام=قلت انا وين اتجاهي قال حايل يا بعدي
ومن ثم الإنتقال للشاعر عايض راشد
اشربوا من نزف قلبي واسكروا لو عاته = الف وامية شخص ينهبني وانا بالحالي
كل بيت اشد له وامرح على وقفاته = اتهيا له جروحي لين يتهيا لي
يحسبوني يوم اقوله حابك ابياته = مادروا ان ابياته دموعي ماهيب موالي
الى ان قال
والغلا لو اني ادري هذي نهاياته = كان ماقدرته ونزلته بمنزالي
ليت زرعي اللي زرعته واثمرت ورداته = قبل يقطفه الغريب اصبح هشيم بالي[/poem]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ومن ثم الإنتقال للشاعر جزاء البقمي
يا فلاح الهم خيّم فوق قلبي يا فلاح = كيف تبغاني اسولف وانت خابرني عليل
ويش قولك في عليل ٍ في حياته ما ستراح = تنتثر دمعة عيونه لاظلم الليل الطويل
حالته لا ما تباعد حال ( سلطان الرباح ) = بالخطا راحت حياته والخطا ماله مثيل
إلى أن قال
طفلة ٍ ما كمّلت عامين صايبها كساح = وانتثر دمعه وحاله من سبايبها نحيل
حان تنفيذ القصاص .. وغطوا الراس بوشاح = وجاك سيّافه يشيل السيف ابو حد ٍ صقيل
ومن ثم الأنتقال للشاعر نايف عرويل
يوم اليهودي عاث فينا واهنا=والمصحف الطاهر برجله توطاه
ياناس فوقوا وارفعوا الذل عنا=يا كيف نرضى الذل يا كيف نرضاه
.إلى أن قال
لاصار ما صلنا عليهم وجلنا.=ولا صار كل ٍ ماخذى السيف وارواه
ولاصار ماشفنا جباهن تدنى..=.وجسم اليهودي كل كلب ٍتعشاه
لاخير فينا ولا بعد عاد كنا..=.ان كان حتى الدين ماناخذ قضاة
ومن ثم الأنتقال للشاعر عايض راشد
كذا الارزاق مكتوبه ومقسومه ...= وقسمي كاتبه ربي ومعطيني
كتب لي قومة تسوى مية قومه .=.. تفرح ربعي وتحزن معاديني
معادي من ثلاث سنين الى يومه ..=. وهو يبغى يتحيل حيلة فيني
الى ان قال
وانا عارف خطاي مكدره نومه ..=. وان ابن ادم خطاي اكبر براهيني
لو ان نفسي من الاخطاء معصومه .=..ما كان اعطيت له فرصه يخليني
و أستمر الأبداع في الليله الشعريه والشاعر جزاء البقمي في قصيدته
أشملت بي بنت فكـري يـوم سندتـوا جنـوب ..=. مع هواجيسٍ تسـوق العقـل لحـدود الهبـال
من شروق الشمس لين الشمس يأخذها الغروب = والمشاهـد قـدم عينـي ياعضيـدي ماتـزال
أرمله عاشت تعاني مـن صواديـف الكـروب = شايلـه هـم الزمـان وشايلـه هـم العيـال
إلى أن قال
عل قبرٍ حطـو اللبنـه عليهـا طـوب طـوب = يغسله رب السما مـن غـرّ مـردوم الخيـال
تصطلي نار الجريمه وسـط قلبـي بالشبـوب = قصةٍ شبـت عليّـه ليـن جتكـم فـي مقـال
ومن ثم الأنتقال للشاعر عايض راشد
لي صاحبن دايم مكدر ومنضام .=.. فقران ومفلس وضايق ومحيوس
حالته حاله لا يصبح ولا ينام ...= ومن زود فكره صار له اربعة روس
يفكر بمشروع مبني من اوهام..=. لا فيه لا جدوى ولاهوب مدروس
الى ان قال
لا تشتكي لي شي واعزم يا عزام .=.. واطلب رضى اللي سخر نفوس لنفوس
اللي خلق هالكون في ستة ايام ..=. نعبده ونحبه ونخضع له الروس
ومن ثم الأنتقال للشاعر نايف بن عرويل وقصيدته { العنوسه} وكانت شيله على لحن {
الكنه} وتفاعل معها الجمهور
ابي حصانه من النسوان تحميني = وابا اتوكل على الله ثم ابا اقوله
ما للعنوسه حلولٍ كود خليني = الحل الاول يعود لحاكم الدوله
الى ان قال
اخذوا على الاوله وحده وثنتيني .=.. وهذي ترى في كتاب الله مقيوله
الى ان قال
ويالي غرامك جرى داخل شراييني ..=. ادريبك اليوم مما قلت مذهوله
ترى كلامي هذا ما هوب يعنيني ..=. شاعر ولا افعل كلامِ دايم اقوله
ابيلي وحده ووحده بس تكفيني .=..اربع حريمِ صراحه غير معقوله
ومسك الختام مع الشاعر نايف بن عرويل
تخليوا لو الحريم بيسوقن = ونلقى لهن في كل شارع طرايف
تلقى العجايز فالشوارع يدورن = وسيارة الاسعاف ترقب حتايف
الى ان قال
قلته واباقف وارفع الصوت واعلن = ارادة الامه على لسان نايف
ماهو تخلف لارفضنى يسوقن = راس التخلف لا تركنا العطايف[/poem]
وفي نهاية الأمسيه قام صاحب السمو الملكي الأمير بدر بن سلمان بن سعود ال سعود حفظه
الله بتكريم الشعراء وعريف الأمسيه والمشرفين المميزين في المنتدى .
مقتطفات من الأمسية :_
بدأت الأمسيه في تمام الساعه التاسعه مساءاً وأنتهت الساعه الثانية عشر ليلاً .
حضر حشد كبير من الجمهور تجاوز عددهم الخمسمائة بالأضافه إلى الجماهير التي طالبت
بالدخول ولو وقوفاُ علماُ بإن دخول الأمسية بتذاكر .
حضر العديد من المسئولين و الفنانين والصحافيين والمثقفين .
تفاعل الجمهور وبشده مع الشعراء وطلبوا منهم تكرار بعض القصائد .
يعتبر فيصل الهاملي هو الجندي المجهول في الأمسية .
كانت الأمسية ناجحه وبجميع المقاييس
http://www.7eda.com/cv/8.jpg
http://7eda.com/cv/7.jpg
http://7eda.com/cv/6.jpg
http://7eda.com/cv/5.jpg
http://7eda.com/cv/4.jpg
http://7eda.com/cv/3.jpg
http://7eda.com/cv/2.jpg
http://7eda.com/cv/1.jpg
http://7eda.com/cv/330.jpg
http://7eda.com/cv/331.jpg
http://7eda.com/cv/333.jpg
http://7eda.com/cv/334.jpg
http://7eda.com/cv/335.jpg
http://7eda.com/cv/336.jpg
http://7eda.com/cv/337.jpg
http://7eda.com/cv/338.jpg
http://7eda.com/cv/339.jpg
http://7eda.com/cv/400.jpg
http://7eda.com/cv/401.jpg
http://7eda.com/cv/402.jpg
http://7eda.com/cv/403.jpg
http://7eda.com/cv/404.jpg
http://7eda.com/cv/405.jpg
http://7eda.com/cv/407.jpg
http://7eda.com/cv/408.jpg
http://7eda.com/cv/409.jpg
http://7eda.com/cv/500.jpg
http://7eda.com/cv/501.jpg
http://7eda.com/cv/502.jpg
http://7eda.com/cv/503.jpg
http://7eda.com/cv/504.jpg
http://7eda.com/cv/101.jpg
http://7eda.com/cv/102.jpg
http://7eda.com/cv/103.jpg
http://7eda.com/cv/104.jpg
http://7eda.com/cv/506.jpg
http://7eda.com/cv/507.jpg
http://7eda.com/cv/508.jpg
http://7eda.com/cv/509.jpg
http://7eda.com/cv/101.jpg
http://7eda.com/cv/102.jpg
http://7eda.com/cv/103.jpg
http://7eda.com/cv/104.jpg
