احم احلى طرب وسهره مع ام كلثوم وكود رد مخمخ يامعلم

السلاام عليكم ورحمة الله وبركااااااته........ تحيه طيبه وبعد
اتمنى ان تكونو بدوام الصحه والعافيه
امااا بعد ........
امس الليل كنت جالس طربان اسمع الاخت الفاضله ام كلثوم وطرباان في الرومنسيه:w
لابعد درجه وكنت اشرب كووود رد بااارد مع الثلج ياخرااابي كيف كان طعم الكود رد المهم ماعليناا ......
كلنا شفنا امس مبارة الاتحاد مع هجر
انا بصراحه اشوف انو الفريق ادى كويس من ناحية جميع اللاعبين
محمد نور كان نجم
سوزا كان الحاضر الغايب
هزازي نايف انا بصراحه لعبه عجبني مره وحسيت انو كويس ادائه كان
ناول صح كان متحمس يبغا يعمل شي بس احنا جمهور مايعجبنا العجب ولا الصيام برجب
اذا سجل نقول ضيع هجمات واذا ضيع نقول مايعرف يلعب ولا يعرف يسجل ياخوان اختصار شديد ايش اللي تبغوه انتو بلزبط؟؟
يابويااا وليه الفلسفه الزاايده
تعاالو بعطيكم لاعب مره فنان
لعب قبل اسبوع
اللاعب الارجنتيني هيجواين كلكم تعرفوه
سريع فنان من الاخر بلعبه
لعب نهائي كاس السوبر اساسي
سجل هدف وضيع عشره
واللي يبي يتأكد يرجع يشوف المباره
جاب كور بلعارضه يناول خطأ بس سجل هدف
وللعلم هجواين تقريبا كل تلاته مبارايات يسجل هدف
بنزيمه العام كان الاساسي ومع هذا ماكان المهاجم اللي يسجل كل الهجمات
لازم الواحد يضيع
ابراهيم اوفيتش نفس الكلام
كل المهاجمين كده العالمين يسجل هدف ويضيع عشره
فما بالكم نايف هزازي
نايف هزازي كان قبل سنه فقير فنيا وضعيف فنيا بلعب الكره الارضيه ولا يمتلك المهاره الكبيره
لكن حاليا صار يلعب بقدمه ويمتلك مهاره احسن من اول بس يبالو شوية صبر وصدقوني برجع كويس ومستواه تطور ولازم يضيع هجمات عشان يسجل اهدااف
وامس مستواه كان جدا رائع
اما لان مستواه مع الفيصلي كان سيئ
قسم بربي انتم السيئين يلي تنتقدو
واحد عمل عمليه جراحيه بمنطفة الانف اللي من خلالها يستطيع ادخال الهواء للقصبه الههوائيه وغايب عن اللعب لمدة تلاته اشهر ولمن ينزل الشوط التاني من المباره واول مباره له من الفريق من تلاته اشهر بعد العمليه ومادرب مع الفريق
تبوه ينزل وماشاء الله تبغوه من اول لمسه يرجعلكم كويس ياانااس اقنعوناا كيف ايش اللي تبغوه انتم؟؟
وبضربكم مثل
كااااان ياامكااان في قديم الزماان وليس بلامد البعيد هنالك لاعب اسمه كاكا
وكان قبل ان ينتقل للريال كان افضل لاعب بلعالم انتقل للريال اتصاب من سنتين وللحين مارجع مستواه وهو افضل لاعب كان بلعالم فما بالكم نايف هزازي اللي للحين لساته مبتدء
اعزائي وعزيزاتي المشاهدين والمشاهدات :d انتم لام تعرفو شي واحد نايف هزازي لاعب كويس ولا ماكان ينضم للمنتخب وانتظروه دي تاني مباراه له من بعد الاصابه وسجل هدف ولعب صح وناول صح ومسك كوره صح بقدمه شجعوه الله يصلحكم بلاش انتقاد زاايد وماله داعي
اناااااااااااا الحين ودي افهم شي واحد من بعض الاخواااان اللي احسهم كلهم ماشاء الله عليهم صارو محللين رياضين
يعني سؤال كيف الاهداف تجي في المباره
واحد من الاسباب دي
يا خطأ دفاع او حارس
ياصدفه
يا ارتباك
يافلسفه زايده
يعني اذا سجلنا من صدفه قلته مافي تسجيل ومافي فرص حقيقه ولو جات فرص حقيقه والحارس صدها مافي حظ يصير
ولازم الاحطاء دي عشالن يجي هدف
مثلا اتخيلو
بحط جدار على الباب تبع الحارس بدل الحارس
كيف حسجل هدف
او بحط مليون شخص مدافع كيف بسجل هدف تتوقع بسجل هدف من حركه وتكتيك معين لا بسجل ارتباك او اخطاء دفاع من الخصم
اخوان الفوز والاهداف ماتجي من حارس او دفاع مايخطي الاهداف استغلال وضع الخصم واستغلال الفرص والصدف
وانا اقلكم كانيدا مدرب كويس بس عيبه جبان شوي يمكن فلسفه معينه بس خلينا نستنى شوي ماتعرف ممكن يكون افضل مدرب مر على تاريخ النادي
ياخوان
هزازي كونو جمبه تراه ولدنا ولاعب كويس واللي تعرفه احسن من اللي ماتعرفه
:w
والله انو اليوم ادى مباره جدا جيده وراجعو وشوفو المباره
والبلنتي شاتو كويس
وخلى الحارس بجهى والكوره بجهى بس العارضه كان لها سبب
ولكم ان تتذكرو سيء الذكر ترزيجيه اللي ضيعنا وضيع فرنسا بكاس العالم هو وصلعته اللي معرف كيف جاياا
وفي الختاااام ابي استفسر استفسار
الحين اسمع لمين ام كلثوم واغنية بعيد عنك ولا ورده اكدب عليك ولا صالح القرني ون ون ون ولاتي نمبر ون
وتنصحوني اشرب مويه ولا عصير ولا كود رد ولا اشرب عصير قصب
وفي الختاام
اتمنى لكم صباح ومساء بتوفيق من الله عز وجل وحفظه ورعايته
وتالله عليكم التقيم لا هنتم والمشاركه في الردود والنقاشات الرائعه
تحيااتي ليكم
اخوكم او حبيبكم او معشوقكم او عزيزكم او فنانكم او زعيم زعماء المنتديات او قائد القائدين او اي شي مو مشكله:j
الفقير الى الله سبحانه وتعالى
مروان كريستيانو:j
وفي الاخير سؤاالي ليكم انتم ايش اللي تبغوه من هزازي نايف بلظبط؟؟:((