الي يجاوب على السوال راح يحل عقدت الهلال الي له ما يقارب عشر سنوات ؟؟؟

السلام عليكم ورحمة الله وبركاته ....

جمهور العالمي انا بصراحه طقت فيوزي والحس مخي ولا تواخذوني على التعبير العامي والبسيط لان بصراحه فريق النصر قدام الهلال بالذات وحط تحته 100 خط يضيع يصير اشباه لاعبين لا احد يقولي فقط المدرب كلنا ندري ان المدرب رايح فيها بس انا اتكلم عن اللاعبين انفسهم يصيبهم التوتر والربكه والخوف وعدم الثقه بالنفس وانا بصراحه حبيت اعطيكم راي وابي راي كل واحد فيكم وانا راي ان العله براس الهرم متى ما كان راس الهرم يبخص كل الامور اصبح الفريق وحش داخل الملعب والدليل /الرمز ابو خالد رحة الله عليه حكمته قدام الهلال والي دايم يردده للاعبين اسهل مباراة لنا امام الهلال .../ ومنصور البلوي الي نشب للهلالين الين طيروه / وخالد البطان على ان لي تحفظ على اراه ضد النصر /وعبدالله بن مساعد الي هو الكل في الكل في صفقات الهلال / ولا نسسى رمز الاهلاويين خالد بن عبدالله .......متى ما كان على راس الهرم في النصر رجل يلم بجميع الامور واهم شي ان حق الفريق ما يضيع ويصبح جدار النادي طويل على كل من يحاول التطاول على النادي وجمهوره ...صدقوني في تلك اللحظات سوف يرجع العالمي لامجاده وانا من محبي فيصل بن تركي ولا انكر ما قدمه لفريق من وقته وصحته وماله لكن المجتمع الرياضي عندنا يبيله ناس يعرفون من اين تؤكل الكتف....... ولكم خالص تحياتي وانتظر اني اقراء اراكم لانها تهم كل نصراوي يعشق الكيان.......