صبر صبر وش اللي قاعد يصير

السلام عليكم

يا شباب وش السالفه اللي يشوفكم يقول راح الموسم

اللي مصعب الامور على النصر اول شي احنا

يا شباب مو في يوم وليله بيختلف النصر

اللي استغربه اعضاء كانو يغردون بأسم النصر قبل المباراة

وبعد الخساره طلع النصر ما يسوى ريال

حظ الهلال حسني عبدالربه مو موجود وانا اقولكم حسني لاعب واحد في فريق يتكون من 11 لاعب

بس هذا اللاعب اذا كان موجود تغير مستوى النصر كلياً

ما نقدر نشتري حظ بس نقول معوضين خير

ثاني شي اللي يبون اقالة المدرب ياشباب اللي ضيع النصر تغير المدرب 3 او 4 مرات في موسم واحد !!

اكبر غلطه اقالة المدرب في الوقت الحالي

وفي اشخاص يقولون فيصل بن تركي يا شيخ وش بيده فيصل عشان يسويه سوى كل اللي يطلع بيده لاعبين وتعاقدات

ولا تنسون كم خسر هذا الرجل من مال و وقت من اجل النصر وانت بكل سهوله تطالب بأقالته ياخي وش سويت انت للنصر

خسرت 20 ريال حقت التذكره طيب هو خسر قدها الف المرات وارتفع ضغطه اكثر مني ومنك وتحمل جماهير ناديه والاعلام وغيره

يا شباب اتمنى منك تكونوا مع الكيان بحلوه و بمره واذا عندنا نقاش او انتقاد ياريت يكون بدون الوصول الى التحطيم

معوضين خير وخيرها بغيرها

ودام العالمي بألف خير