-
(اريام وسهير الليل)
اخواني واخواتي
اعضاء منتديات غرابيل الادبيه وزوارها
السلام عليكم ورحمة الله وبركاته وبعد
اليكم هذه القصيده
عسى ان تنال بعض اعجابكم والعذر والسموحه
في القصور والاسهاب وهي واضحه من عنوانها؟
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="double,4,gray" type=2 line=0 align=center use=ex num="0,black"]
البارحه نايم وإذ الهاتف يرن=جوال _دولي_داخلي_عدة ارقام
طنشت حتى انفصل عاود ودن=شلته وقلت ارد ما عاد ابــ ا نام
الو؟ نعم يامرحبا ياهلا من=قالت(جواهر)من دبي وآني اريام
اعد برنامج من إشهور يعلن=وحقق نجاحاتٍ في إشهور وايام
ممكن معاك اتحدث إشوي ممكن=قلت ايه ممكن كلي إنصات وإللمام
قالت(سهيرالليل)لقب توطن=في شعرك وقلبك ومغرم به إغرام
قلت الصحيح اني لهالاسم ممتن=حيثه وَفي واللي وَفي فيه ما انلام
قالت وش السر قلت في بير مدفن=اموت مافرحت به شخص نمام
قالت سهير انا اعرفك شاعرٍ ون=وين انت عن ضو الصحافه والاعلام
قلت إلها صادق ثانكيو يعني شكراً=شهادتك اعتز فيها لي وسام
المشكله بعض الصحف حربٍ يشن=على الشعر واهله من ضعوف واقزام
ساحة معارك مالها من مبرهن=مفبركه ومدبلجه مثل الافلام
والبعض تتحيز وبالنقد ترطن=وان جت قصيدة بنت كلٍ لها قام
يكتب ويمدح لا_وللكسر يوزن=وللحدايق خلف الابيات رسام
والبعض منها بالغلافات تفتن=لا سيما من للدعايات سوام
لو إن به صحف لها نهج متقن=تميزت فالطرح بمعدي اهرام
اكن تقديري لهم والحب آكن=مثل ما اكن الحب لاخوال واعمام
انا اكتفي بالنت من شان او عن=قرار صدرته وبصم بالابهام
من عقب ذقت الضلم في النشر مزمن=ضلمت ضلم الشعب من حكم صدام
وقررت الحّق عالم النت وازبن=واللي زبن بالنت ماعاد ينظام
واصبحت عضو بعالم الشعر والفن=في سكة الانصاف من عدة اعوام
اكتب واطوع لاجله الفكر والجن=واحضى بتوجيها ت شعارٍ اعلام
عالم حوى كاتب! وناقد! تمكن!=ودكتور! وايضاً شاعر! الشعر له رام
له منهج محايد في الطرح لكن=زاده تميّز كسبه لبعض الاقلام
بفضلهم يعلو ولاهو بيطمن=في كل يومٍ له تقدم للامام
هذي شهادة حق ماهي تكهن=حقايق اتشاهد ماهي شك واوهام
ياللي على (موال قالو) تلحن=يابعد فرق الراس عن فرق الاقدام
قالت الانترنت خطرٍ ويدمن=وانته تجول دايمٍ بين الاقسام
قلت الصحيح النت خطرٍ ويمحن=سلاح ذو حدين {إفراج واعدام}
إفراج من سيف الصحافه بعد سن=خدمه للنشر الشعر مع صقل الاحلام
خدمة تعارف رائعه ماتثمن=يعرف ثمنها من بها غاص او عام
رمز الحضاره يوم حنا اي إنحن=اُمة حضاره من عصر صدر الاسلام
والشاهد الكوفه لمن شاف وأمعن=وبغداد وارض الاندلس وايضاً الشام
(اعدام)بالادمان والسرق والظن=ضياع وقت _إشغال مع جلب الاسقام
دخول بأسما مستعاره بلاقن=مجامله ماتخدم الخاص والعام
قالت علينا لاتشح او تمنن=نسمع قصيده قلت حاضر وقدام
فجئه ولا إن الساعه بجنبي ترن=نهضت وانه يقراء فالفجر الامام
ولا إني لحالي اكح وآتحنحن=الفجر فات وراحت اضغاث الاحلام
اثر الحلوم احيان خطره تجنن=توَصل اللي يحلم اعلومٍ اجسام
وانا حلمت وكلٍ لحلمي أذعن=والحلم يصبح علم لو ياصل اريام؟
والمعذره والعذر يَكبَر ويَسمَن=إذا فهمتو مقصدي قبل الاحكام
واللي لمقصودي ومغزاه ما ايقن=معذور والايام خلفه وقدام
{سهيرالليل}[/poem]
-
هلا ياسهير الليل
صح لساااااااانك
واحلام ورديه
لاهنتتتتتتتتتتتتتتتتتتتتت
النااااااايف
-
سهير الليل
اسلوب بديع ومتجدد
ونقد لاذع خفي
وحقيقة مره بلا شك
قصيدة جديده كليا
راقية برقي فكر شاااعرهاا
سجل اعجااابي واذا حلمت باريام ...
ههههههههههههههههههههه
دام نقاؤكـ
-
صح لسانك يابوبندر
وسلمت اناملك يالجزل
تحيتي لك
-
أخوي حسين الحارثي
صـح لسااانك وسلم قلبك وبنااانك واعـلا الله شااانك
قصيده جزله من شاااعر جـزل ومتمكن
رايـعـه بروعـة حـضورك المميـز
مـكانك يا حسين في القلوب ولك جمهور وانا احدهم ومن عشاق قلمك وجميع ما تكتب فأنت مبدع وراقي وشامخ
لاخـلا ولاعـــدم
لـك فاااائق احـتـرامـي وتـقـديري
-
الله الله
يا سلاااااااااااااااااام عليك يا حسين
قلت الصحيح النـت خطـرٍ ويمحـن
سلاح ذو حديـن {إفـراج واعـدام}
لله درّك يا كبيييييييييييييييييير
إبداع بلا حدوووووووود
بانتظار غيثك القادم
لك أطيب تحية
-
المشكله بعض الصحف حربٍ يشـن
على الشعر واهله من ضعوف واقزام
ساحة معارك مالهـا مـن مبرهـن
مفبركـه ومدبلجـه مثـل الافـلام
والبعـض تتحيـز وبالنقـد ترطـن
وان جت قصيدة بنت كلٍ لهـا قـام
يكتب ويمـدح لا_وللكسـر يـوزن
وللحدايـق خلـف الابيـات رسـام
مقطوعة ...رائعة ...سطرت بأنامل فنان ...بلا شك ...
هنيئا للشعر بك شاعرنا ...
-
والحلم يصبح علم لو ياصل اريـام؟
ايوالله اخوي اذا سوت معك مقابله توسطلي
ههههههههههههههههههههههههه ههههه
اخي تشرفت بوقوفي امام هذه المعبره الهادفة الصادقه الناطقه عن لسان صاحبها
صح لساااااااااااانك عدد شعر راسك كتبت فابدعت ورسمت فاوصلت لمن يفهم ومن لا يفهم خله في طريقه
سجل اعجابي اخي الكريم وتحيات اخوووووووووووك
-
السلام عليكم
اخى حسين الحارثي
صح لساانك ولاهنت
اختك ديمة الشوق
-
,
,
,
,
حسين وروووووعة لانظير لها
صح قلبك وفكرك
ماشاء الله عليك بس
بالفعل مبدع بشكل لانظير له
شهادة حقيقية أنك شاعر لايشق لك غبااار ياحسين
ولك أعذب وارق تحية...
-
نياف العتيبي
الف شكر لك
وصح الله فكرك
لاعدمتك
والاحلام تحقق ان شاء الله بوجودكم معي
اخوك
-
حمد الشدادي
مرحبابك
والله لايهينك
صح الله قلبك
اخوك
سهيرالليل
-
[frame="6 80"][align=center][grade="32CD32 32CD32 32CD32 32CD32"] الاخ حسين الحارثي
صح الساااااااااااااااااااااا ااااااااااانك
ونوووووووووووووووووووم العوافي
اسلوب رائع ونقد لاذع
لا خلا ولا عدم
تحياتي [/grade][/align][/frame]
-
رووووووووعه ,,,,
من جد شاعر كبير ,,
صح لســـانك ,,
-
صح لسااااااااااااااانك
وسلم بناااااااااااااااااانك
اخي الكريم
اهنئك على هذا الأبداع
