@@ منظمي الجميعاااااااات @@

كل عام وانتم بخير ..

بصراحه لي فترة وانا حااااااااب اطرح هذا الموضوع .. اسماء كثير منكم او منكن نحترمها

ولانشكك ابدا في مصداقيتهاااااا ..

مايضايقني نفس المشكلة اللي جالسة تكرر كل مره ..

ياتكون متصرف بفلوس الناس .. وش ذنب الناس اللي وضعت فيك الثقه ؟؟ اللي عنده دين او التزام

ماينتظر منك عذر حتى تبرر له .. وماهو ملزوم انه يقدر وضعك اذا مانت قد الثقه رحم الله امرىء

عرف قدر نفسه .. مالك ومال الموضوع كله ..

كلن يبدا موضوع جمعيته بايات كريمه وعهود ومواثيق ونتفاجأ انه اول من يخالفها ...

انها هنا لا ألمز ولا أهمز لاحد معين ..

كلنا بشر اذا تاخر عضو ترى الاخرين مالهم ذنب .. مااشوف الا التشهير والفضائح حتى المنتدى

ومااقولها نفاق والله بس طالما سمح لكم بها الامور لاتوجعون راسنا فلان سدد وفلانه ماسددت ..

وتسيئون للجميعات الاخرى اللي منتظمه ومنسقيها يجيدون ادارتها ..


احنا بشر ونتعرض لظروف ويفترض منسق اومنسقة الجمعية يكون مرتب لهذا الامر وفي بالي

بعض الامور اللي تساعد

منها اي عضو جديد في الجمعية ليه يكون في الاول بيكون ترتيبه في الاخير حتى اعرف اذا كان

بيلتزم معاي او لا ..

مااخذ في جمعيتي الا كل عضو له سمعة طيبه وملتزم بالسداد واللي اعرفه ان بينكم تواصــــــــل

يامنسقي الجميعات .. تقدرون تحققون من هذا الشي ببساطه ..

يحزنني اني اشوف صاحب الجمعية يسبّق بالدعاوي على الناس وحسبي الله ونعم الوكيل والحكم

على نيات الناس اذا ماعندك طولة بال ريح راسك واترك الشي لاهله ..

واللي يطرح جمعية ليه حاط نفسه في اول شهر باي حق ؟؟ ويختار اسماء من خارج المنتدى

ويقول محجوزه مثل ماصار معي يكون صاحب الشان داخل باسماء وهميه وفي باله يستولي

على فلوس الناس ظلما .. واحنا على نياتنااااا تعودنا حسن الظن بالناس ..

ندري انكم تتعبون .. ندري انكم تعانون من بعض العينات السيئة
ونقدر لكم هذا الشي .. ولانلغي دوركم ابدا او نقلل من شأن كل
الجهود اللي تبذلونها في سبيل انجاح كل جمعية بس ترى هي امانة
وحمل ماهو سهل عليكم ..


وسلامتكم شي بخاطري حبيت اوصله لكم ..