وجهة نظري : راضي عن الاتحاد تمام الرضآ , ادخل وتعرف

السلام عليكم ورحمةة الله وبركاتهه


الحمدلله على كل حال , فرق بين فريقنا الموسم اللي فات وفريقنا الان من ناحية الامكانيات فقط !


بتكلم ععن نقاط في المباراه وفي الفريق بشكل عام الكل لاحظهاا !


أولا عبدالمطلب الطريدي , لاعب الاتفاق سابقا والاتحاد حاليا , لاعب كبير وخانته ظهير ايمن
كانيدا حب يجربه وسط ايمن وما نجح !

ايش المشكله , !


فيه ناس قالوا الطريدي فاشل ومدري ليش جايبينه ياحبيبي , لما الطريدي يمسك الظهير الايمن شوف الفرق , اما وسط مره مايجي " معليش ياكانيدا كلنا نخطي "

المفروض اننا نوقف مع الفريق بالحلوه والمره ..


فريقنا الان على الورق ععنده اسماء ممكن انها تنافس على كل البطولات اللي حيشارك فيها


فقط ناقصنا " الانسجام " مثلا سوزا والشربيني امس مره مو متفاهمين نور وسوزا ايضا

بعد كم مباراة بتشوفونهم يلعبون لبعض وهما مغمضين :::03::: "


عندك نور , سوزا , شربيني , فوزي , كريري , امبامي

والله منتخب , معكم انو ناقصنا راس حربه صريح وههذا اللي طلبه كانيدا لكن انتهت فترة الانتقالات الصيفيه ,


فريقنا الموسم ههذا صراحه انا متفائل فيه , امكانيات لاعبين على اعلى مستوى !

فريق فقط ناقصه الانسجام وبعدها بتشوف الاتحاد غير , انتم لاحظو المباريات اللي لعبها الاتحاد الموسم هذا , يحاولون يلعبون من لمسه وحده تزبط في البدايه وبعدها تخرب ههذي تعليمات راؤول كانيدا , انه يحاول يخلي اللاعبين يلعبون الكوره من لمسه ومع الوقت ينسون الاخطاء ! بإذن الله


والفريق اللي مايغلط مستحيل راح ينجح لازم الفريق يغلط عشان يستفيد من اغلاطهه , انا اشوف ان التعادل جانا في محله وانه خخير علينا وعلى اللاعبين , ليش !


لأن الفريق لعب بالجوله الرابعه في ارضه مع فريق الفيصلي اللي مو محقق ولا نقطه , الحمدلله سجلنا هدفين وبعدها اللاعبين يستنون الدقيقه 90 ويمشون لكن الفيصلي رد علينا , المره ههذي الاتحاد اخذ درس لا ينسى , !



نقطه اخيره عن اللاعبين نايف هزازي + الزبيدي !


نايف هزازي المفروض مانحكم عليه ذحين لانه ينزل اخر ربع ساعه وانا واثق لو هزازي ينزل بداية المباراه راح يبدع , لكن الاحظ ان هزازي كثير الخروج من منطقة الجزاء , او خانته ويروح على الاطراف كثير ويلغي وجود الشربيني او سوزا او نور !

هزازي لو يدخل في الصصندوق زي اول ومايطلع كثير صدقوني راح يجيب ههداف الدوري , مثال امس نايف استلم كوره على الطرف من اخوه ابراهيم وكان نور جناح ايمن , ععاد نور ما شاء الله خبره وكان انشط واحد في المباراه , نور دخل مكان النايف اللي في الصندوق اللي هي خانة المهاجم , لما الكوره انقطعت من نايف , نايف ماراح رجع غطى مكان نور !

المفروض اللاعب اللي تنقطع منه الكوره يصير أول مدافع ولا !

عاد خذلك مشوار على نور من منطقة جزاء الفيصلي الى جزاء الاتحاد , غلط كبير من نايف هزازي , تذكروا كلامي متى ما نايف قلل من خروجه من الصندوق والذهاب الى الاطراف راح يكون هداف الاتحاد ..


اما عن علي الزبيدي صراحةة / اتمنى الاستغناء عنه حرام نستغني عن النحله مناف اللي كان يشيل الفريق وكان محله مره ممتاز محور ويصنع كور , نطلعه من النادي وكان مستواه ححلو , ونبقي الزبيدي مكانه ! مو ظلم !


اخيرا // الاتحاد يملك لاعبين على اعلى مستوى , ناقصه الانسجام ,


لازم نوقف مع الاتحاد بالحلوه والمره :$