كرهت الاتحاد وكرهت منتدى الاتحاد

أول حاجه السلام عليكم ورحمة الله وبركاته .....
وكل عام وأنتو بألف خير يا جمهور الذهب

تأني حاجه أرجع لعنوان الموضوع اللي كتبته ؤاقولها تأني كرهت الاتحاد ومنتدى الاتحاد "بسبب" وهو عقليات بعض المشجعين اللي تندرج تسميتهم تحت مسمى جمهور "الفوز" فقط وليس جمهور الكيان .
أنا متفق معاكم أنه الفريق في مباراة الفيصلي ومباراة النصر ما قدم المستوى الملطوب ؤيتحمل كانيدا بعض الأخطاء في التغييرات وفي الخطه .... بس هذا ما يخليك كمشجع اتحادي تقول أنه كانيدا مو مدرب وما يفهم حاجه و و و و و الخ ..
كانيدا مو هوا نفس المدرب اللي كنت تحييه الموسم اللي راح مو هوا نفس المدرب اللي كنت تقول داهيه ومدرب خرافي اليوم عشان كم خطأ تسوي حمله عشان تقيله ...
طيب أقلنا كانيدا جيب لي مدرب حاليا كويس ما حتحصل بتنزل إنتا تدرب لا يا حبيبي ....
كانيدا مدرب عبقري ومدرب ممتاز بس خانه التقدير في المباراة ...
تبغى تكون مشجع للفوز بس ما حتحصل الفريق اللي يجي على مزاجك ويفوز على طول لازم الفريق يخسر يتعادل ينهزم المدرب يغلط اللعيبه يغلطو مافي بني آدمي معصوم من الغلط ...
نحنا جمهور كيان نفرح عن الفوز ونزعل عن الهزيمه ونقول فريقنا قدها ويعوض المباراة اللي بعدها ...
أنا حبقى اتحادي الى ما شاء الله وحزرع عشق الاتحاد في عيالي بإذن الله وهزيمه أو تعادل ما تخليني أجرح أو إطعن في أشخاص سواء لاعبين أو مدرب أو إداريين ...
وخلينا نكمل حمله المدرج الأصفر والاسود وندعم لعيبتنا في كل مبارياتهم ...
وان شاء الله بنرجع للمنصات اللي اتعودنا عليها ....