افراد اسره او خزانه افراد....
--------------------------------------------------------------------------------
بعد سنوات من الدراسه وبنا المستقبل
ومعاناة الوظيفه...
تقام حفله التخرجوالوضيفه على شرف صاحب السمو...>>>الابن
ومن ثم
جاااااااااااااااااااااري البحث >>عن الزوجه المناسبه
بحث وما ادراك مالبحث
يتقدم وتتم الموافقه بعد تمخص الشخصيه
وليله الزفاف ومصاريفها
فيبداء شهر العسل والغزل
وتبدا المشكله
كلام العجز///هاه مرتكم ماحملت...
كم لهم متزوجين ..
ياربي اذا ماحملت بندور له ثانيه
وكل عجوز بالعائله تخطط على الولد لبنته >>>معاملته زينه لبنت الناس وبناتنا لا....
العروس
وبدت عليها ملامح الخيفه
ويبدا تجديع الحتسي
وتقعد تلطخ تبي العلاجات وبحمد لله
قبل تنهار بشوي تظهر ملامح الحمل ويجي الولد الاول ...وهي لسى ما خططت هي وزوجه كيف يختارون التربيه او اسلوب المعامله او تقسيم الوقت للمولود.......
يالله عاد وتقعد الام تجدع بولده عن امه والجيران واخته وخالته
والولد من كل بيت ياخذ شينه اكثر من زينه
ويبدا التشتت بالسلوك....لانه مافيه خطه صحيحه لتربيه طفل .......جديد
واذا تاخرت المره ماجابت وغد ثاني قالو تضررت خلاص انتهت صلاحيته وكل مره على هالاسلوب...
وتجيب وتجيب تبي تمسك الرجل...
وتهتز ميزانيه البيت...وكل واحد من الوالدين يجدع المسؤليه على الطرف الثاني
ولو يطيح الولد وتنكسر رجله قال الابو انتي ما انتبهتي له ...وترد عليه طيره شلوى ماهم عيالي لحالي
....الخ
يصيرون الاولاد خمسه ان قل وان كثر 8 والله يستر ان كانن العجز كثار بالعايله بيكثرون ويصيرون درزنين ونصف مجانا...
طيب
وبعدين
الاطفال هذولا من بيعلمهم..؟؟مانبي دراسه...
من يعلمهم كيف يعيشون..من يعلمهم التعامل...من يعلمهم يكونون طموحين...؟؟؟من ومن ومن؟؟
يكبرون الاطفال وقلب الاب والام يحدد واحد والا اثنين للمراعاه والاهتمام...بدون مايحسون..
تغلب عليهم الرحمه على البعض دون البعض وهذا وارد بشده((التفرقه بين الابناء))
طيب الباقيين وين يروحون لمين يلجئون لما يضيع الاحساس بالأهتمام بهم لما يبلغون...
وفتره البلوغ والمراهقه اخطر مرحله للاهتمام النفسي نقول يوم كانو صغار اهتمام صحي وبيئي
والحنان ربط بالرضاعه عشان يفرق الطفل بين امه والخدامه.....
لكن المراهقه تبدا المشاكل
ويبدا تخلص الوالدين من مشاكل الاولاد بالريموت كنترول
يعني سو ولا تسوي يخافون يخلونه يجرب يطيح بمشكله والمشكله تبي نقاش وتبي حل والابو مشغول الميزانيه مهتزه كزلزال يبي يوفر المصرف
ويالله الام عاد شيلي وحطي باللعن والشتم وضايعه بين كم هائل...
من تبدي ماتدري هي تعشي والا تغدي
طيب يمه يبه
نبي ضمه صحيح عمري 15..18...19...او حتى 23
ابي اطيح بحضنك يمه احتاجك
يبه ابي مشورتك..
وينكم
.............................ولا حياه لمن تنادي
انتم كبرتو ...
ايه طيب كبرنا....بس ضايعين مشتتين....
مانعرف نتصرف بالموقف الفلاني او الفلاني....
احنا مشغولين ومو مقصرين...
مانبي اكل وشرب نبي روح وانفاس
عاد يالله بلا مراهقه روح ادرس دروسك
ويروح الولد وتروح البنت .........
ويكتبون شعر.....
راس مالي ذكريات وحلم وامال وطموح
لا صديق ولا رفيق ولا طريق اتبعه
>>>>>>عاد النحف ذابح جيلنا
عودي المبري بقابه من عطايا الوقت نوح
فصل خامس حاير بين الفصول الاربعه
>>>>مافيه احد يسمع له ويحتضن همومه ووحدته
اشتكي لوسادتي دنياي واسمعها تنوح
كنها بعضي وبعضي وينهو منهو معه....
وكل واحد يدور حب بطريقته اما يغازل او يكون شاذ او يكون سارق ...او او او
مافيه احد رباه....
مافيه احد وجهه...
مافيه احد شجع مواهبه....
مافيه مافيه مافيه....
طيب احنا ليش نكون فيه
وشو هدفنا ....وش بنقدم بحياتنا ...وشلون بنربي عيالنا واحفادنا...
بس الظاهر بتستمر سلسله المعاناه الى اخر الدهر..
وانت ياولد قم ذاكر دروسك عشان لما تتخرج نوظفك وندور لك ام العيال...
ويالله انتي روحي ادرسي وتخرجي عشان يصير معك شهاده ويخطبونك الناس...
وماتت القلوب وماتت التربيه والمعاناة مستمره
..********************
سؤالي
ليش نلحق رضا الناس وهي غايه لا تدرك؟؟
الأطفال اللي ينالون الدلال اثنين كانو او واحد ليش جبتو غيرهم؟؟؟
وين التخطيط لتكون الاسره؟؟
وين الاسلوب التربوي اللي لازم نتعلمه عشان يكونون اولادنا اسويا..؟؟
وين وين وين؟؟؟
وين العقل ؟؟الفكر؟؟الثقافه؟؟الرقي..؟ ؟
وهذي حالتنا نشيد بالغرب...ولا نشّيد عقولنا......
من الفؤاد الى الافئده
