شاهد قصتي واحكم بنفسك

اغنام - ابل - دواجن - طيور

بسم الله الرحمن الرحيم

انا شاب ابلغ من العمر 35 عام اسكن مع ولادتي واخوتي الاصغر مني وكلهم ذكور ولادي متوفي من فترة طويلة قصتي اني والحمدالله قايم بخدمة والدتي الله يطول بعمرها بكل شي يعني انا الي اطبخ واغسل البيت والملابس لان امي كبيرة بالعمر وما تقدر على ها التعب والله ما اقول ها الكلام عشان ادور المدح والثناء هذي امي ومهما اسوي ما اوفيها حقها .... السالفه ان اوقات وانا اغسل يجون حريم عند امي يصادف بعضهم يشوفني اغسل البيت ولا اطبخ وكان الوضع عادي عندي يعني ما كنت اتوقع بيصير شي المهم توظفت عام 2008 بوظيفة شركة الحمدالله كلمت امي قلت لها ابي اتزوج طبعا فرحت وانا تأخر زواجي بسبب ظروفي المادية وما كنت موظف المهم خطبو لي وحدة وقالو نرد عليكم .... تتوقعون الرد كيف كان ؟؟؟ طبعا ام البنت قالت مالكم نصيب عندنا ولدكم راتبه ضعيف وما يقدر يفتح بيت وتعرفون حمية الامهات عاد الولد زين وان شاء الله راتبه يزيد اخر شي ام البنت قررت تنهي الوضع قالت حنا ما نزوج واحد يغسل ويخم ويطبخ مثل الحريم الي وصلي الكلام عمتي اكيد امي ما قدرت تقولي لان صعب عليها . انا احكي قصتي هذي عشان بعض العائلات ما يحكمون على الناس غلط عمر الفقر ولا خدمة الوالدين ما تعيب الرجل اسف اني طولت عليكم بس مقهور وحبيت افضفض وابشركم قدمت على زواج من الخارج ومعاملتي قريب تخلص دعواتكم لي بتيسر اموري وان الله يطول عمر امي وعافيه .