أنتفاج بطن وتعرقل حركة لشاة وآخرتها وفاة , توقوعن ايش السبب

اغنام - ابل - دواجن - طيور

سلام عليكم

حياكم الله ياخوان بموضوعي وهو استفسار عن حالة البارحه جتني فالمراح واول مرة تمر علي

الظهر كنت بالمراح والحلال طيب ولابه الا العافية العصر فيه شاة رباع تعرقلت ولاتاقف وتلف رقبتها يسار

جيتها فالشبك وهي ثانية يدينها تحتها ورجولها مشبصة وكل الشاة شابصة على وضعها ورقبتها لافتها يسار امد رقبتها ترجع

امد يدينها ماقدرت ورجولها مدتها وشابصة

شلتها ووديتها على البيطري وكان بطنها انتفج زيادة

قال لي بشمانه ! : وجاب ابرة ( بدون برواز , الابرة بس ) وضربها في بطنها ونسمت هواء يقول ماكله شيء ونفخ بطنها وضغط على صدرها . لان تنفسها بصعوبة وواضح تنفسها مو طبيعي

والريحة ريحة الكرش ( اكرمكم الله ) وكان يضغط بيده على بطنها ويطلع الهواء كررها مرتين لين خف بطنها

وعطاها في بطنها ابرة ملين ( لونه ابيض وكانه حليب ماقدرت اقرا اسمه )

وقال عطها ابرة شرجية من الصيدليه للكبار وعطيتها سفن زيادة

وكانت تتنفس بقوة

ولمى نسم بطنها دمنت اعزكم الله

نزلتها فالشبك وسويت لها تنفس دلكتها على جنبها وكملت علاجاها
واليوم الصبح مريتها ليقتها ميته وبطنها منتفخ


وش هالحالة ؟ بشمة علف والا ماكلة قرطاس والا صوف

ولو تكررت ايش علاجها ؟

ليه شبصت في مكانها ووضعيتها وسبب الانتفاخ