بخصوص انتشار ابو رمح هاليومين بالحلال وخصوصاً حوالين المزاحميه

اغنام - ابل - دواجن - طيور

السلام عليكم جميعاً

انتشر بالشبوك اللي حولي هاليومين اللي راحت والله ابو رمح
منها حدود الميه سوريات معزا والله يعوض على راعيها (مع العلم انه لايشتري شيء من السوق غنم مقنوي )

المكان اللي الي هو فيه بشخيب

ابورمح مشاكله مشاكل واعراضه اشين مافيه النفوق

كحه تمسكها كم يوم عقبها مخاط ولاتاكل تنعزل وقت الاكل

اللقاح مافيه للحين شي معين له مثل الدموي ولا المعوي

لكن اتمنى اللي بهالمنطقه وخصوصاً ضرما والمزاحميه

من بكره يعطيه حلاله

هــ س بالماء لرفع المناعه (لمدة خمس ايام )

مجموعة فيتامينات لرفع المناعه ان شاء الله ( لمدة خمس ايام )

وقبل الاثنين ثوووم مطحون لممدة يومين مع الماء
وضروري التعطيش حتى الغنم تشرب علاجها ان شا ءالله


وبخصوص المواليد اللي بيولد عنده شي يشوفه طيب لايخليه

يعطيه هــ س وسبكتولين او البديل عن ا لسبكتولين لمدةثلاث ايام

والله يحمى حلالنا جميعاً من الخساره