ياصاحبي تكفا كفا

اغنام - ابل - دواجن - طيور

ياصاحبي تكفا كفا ماعاد لي صدر وسيع
انهارت اعصابي وانا بول متاهات الشقا


ياصاحبي تكفا كفا في خافقي طفل رضيع
عليه من نقص الحنان اعز مابه واصدقا


ياصاحبي تكفا كفا هجرك على قلبي شنيع
وشلون تجفا صاحب(ن)باالصد منك ماهقا


ياصاحبي تكفا كفا انا واحاسيسي جميع
نسري وراء طيف(ن)على همة معاليها رقا


ياصاحبي تكفا كفا ذيك الوديعه لاتضيع
لاتنتسي ذاك اليمين اللي لنا بول لقا


ياصاحبي تكفا كفا مايندمل جرح الوجيع
اللي تجرع من شراب البعد كاس العشرقا


ياصاحبي تكفا كفا ماعاد والله استطيع
وصلت حدي والجفا باالقلب ناره تحرقا


ياصاحبي تكفا كفا امر وانا لمرك مطيع
الا الكرامه لو نضحي باالكرامه وش بقا


ياصاحبي تكفا كفا والود له شان رفيع
استحلفك باالله لاينهار عهد(ن) وثقا


ياصاحبي تكفا كفا بادلني الرد السريع
ابنتظر منك الاميل اللي على وضحى النقا


ولكم تحياااااااتي
هذه القصيده للشاعر المعروف عبدالله الوعد