منقوول :قصيده في الشاص

اغنام - ابل - دواجن - طيور

*ياراكب اللي يزم النفس مركوبه
مزموم بديه مكن القاع ياطابه
كبر ومهابه وعزة نفس وعجوبه
في كل حاله مع الطرقه تهقوابه
ماكنه اﻻ**** ولدشيخ(ن) مهو دوبه
كل الرجاجيل تمدح فيه وتهابه
ﻻ****مر من عندهم تﻼ****فتو صوبه
يشدهم للنظر صوته وهندابه
جنحانه الشقر منشوره على جنوبه
جناح حر(ن) يهز القاع مظرابه
عليه(ن)اسمه ورمز الصنع مكتوبة
واﻻ****سم اﻻ****خر مع أهل البر يزهابه
عذروب من مصنعه يازين عذروبه
محذا ثﻼ****ثه فقط ﻻ****غير ركابه
ماغير ياي وسست طوبه على طوبه
وتوانك اثنين مطعومه يعبابه
هو منوة الشاوي اللي ضيع ذهوبه
اليا بداله عسير الرجم عدابه
وان كان هذا هواء الشاوي ومطلوبه
أنا الحقيقة هواي وقصدي اوﻻ**** به
عليه ابا عس عدا"عذب مشروبه
زمانه الشين ماأدري ويش سوابه
مبطي منه والرسايل شبه محجوبه
واللي يجيب العلوم يجوز يغتابه
وأنا بخيص(ن)بحسناته وبذنوبه
من عفته لو تبى تصلي على ثيابه
أعرف شرايد ذهوبه وأعرف دروبه
وأعرف سواقي عيونه وأعرف ترابه
لو لوحة اسمه شمال الخط مقلوبه
ماني بغاوي ارجوم العد وهضابه
وليا وصلته ونار الشيخ مشبوبه
أمر بيت المعزةواتقهوابه
بيت(ن)حباله على الشدات مكروبه
ماتهزه الريح لو تلفح على طنابه
واليا خذا الظيف فنجاله وماجوبه
ماله على معزبه شرهات وطﻼ****به
*__________________