اخواتي في الله عضوات هذا المنتدى وزائراته تعالن شوفن وش صار لي

بسم الله الرحمن الرحيم
الحمد لله الذي لايحمد على مكروه سواه
بالبداية انا من سنتين اتابع هالمنتدى الرائع وتعاملت مع كذا تاجر وتاجرة الله يوفقهم دنيا وآخرة كان تعاملهم بمنتهى الذوق والاحترام
وماااقدر اقول غير جزيتم الجنة بعد عمر طويل على طاعته
ادخل بالموضوع اللي خلاني اسجل بالمنتدى
بالامس دخلت المنتدى كالعادة اشوف وش الجديد فيه
ولفت انتباهي موضوع لواحد مايخاف الله ابدا ولا وحدة تقول ظلمتيه مااحب اظلم احد ابد
وربي راح اوقفه بين يدي الله عز وجل واخذ حقي منه
الدنيا ماراح تغني عن الاخرة
المهم الموضوع كان برنامج اتصالات يكشف الرقم قلت بنفسي احمله يمكن بيوم من الايام احتاجه وانا ماعمري حملت اي شيء
ولكن هالمرة قدر الله وماشاء فعل والى الله المشتكى
حملته وقفلت من المنتدى وقفلت اتصالي
وقمت وفتحت البرنامج على طول طلع عندي انه برنامج فيه فايروس وانا على جهل ببرنامج الحماية مو مرة اعرف له قمت فتحت البرنامج ابي اسوي فحص لجهازي
وانا اقوم ارسل لزوجي واقوله السالفة هو بمدينة ثانية قالي مايقدر يجي هالعيد لانه مسوي حادث من اسبوع ولا خلصت سيارته المهم تضايقت شوي وقالي ادخلي المسن قمت رجعت اتصلت بالنت ودخلت المسن
وطبعا فتحت الكام وبعدها قالي بروح للدوام اتصل عليك قلت له لا انا اذا خلصت غسيل مواعين عشاء ابوي بحكم اني جالسة عند اهلي قلت اتصل عليك وقفلت المسن ورحت للمطبخ
رجعت الا الحقير فاتح مفكرة بجهازي
وكاتب فيها ان صوري عنده وحاط ايميله ويبيني ارسل له اضافة
انا شفت كذا انفجعت وعلى طول اتصلت على زوجي ويشغل جواله بالطريق لشغله المهم ارجع اتصل وبعدها ارسلت بسرعة شوف المصيبة اللي انا فيها
هو انفجع بعد مايدري وش صاير لي توه مسكر المسن مني مايدري وش جاني
خاصة اني تعبانة من الحمل ببدياته وخاف صابني شيء
وكلمته وانا منفجرة بالبكاء وجلس يبي يهديني يبي يفهم وش الموضوع وقلت له السالفة
اسال الله العظيم الكريم انه يشله الشلل التام وينتقم منه ومن كل شخص يعبث بشرف بنات الناس
الله لايفرحه لا بماله ولا شبابه
الله يسلط عليه
عسى ربي يفجع اهله عليه مثل مافجعني امس
وهذا رابط الموضوع عشان تتاكدن ان الرابط فيه فايروس

http://www.aswaqcity.com/thread988285.html

حسبي الله ونعم الوكيل
حسبي الله ونعم الوكيل
حسبي الله ونعم الوكيل

اخواتي انتبهن لايصير لكن مثل ماصار لي
الله يحميني ويحميكن من الانذال
ولا حول ولا قوة الا بالله