حـب بدوي

نويت مرباع القضي سيد الأحباب قصدي يزول الجرح زاد التهابه
جيت وبقايا نارهم حول الأطناب بيت الشعر مطوي و باقي سحابة
أقفت ركايبهم ومني الهدب ذاب من دمعي إسأل وإلا هاللي جابـه

على غزير الدمع ضميت الأهداب صديت لين الدمع يقفي سحابـه
بعض الوجع يمكن تداويه الأعشاب وبعض الوجع ياويل منه سطابه
عشق بدوي لحب ماهوب كذاب يوفي ولو جرحه تجـدد صوابـه

واليوم وصلتها بيننا مثل الأجناب ذاك الغلى يا ضيعته يا سفـا بـه
باكر اذا جينا لهم مثل الأغراب من عقب ما كنا الأهـل والقرابـة
الأمر لله وكل شيء له أسباب وإلا الهوى وشلي على فتـح بابـه

وشلون قلبي ما يجي منه منصاب على الرجم منقوش بعض الكتابة
حتى أثر مشيه مع سهول وهضاب مر يبين ومر مـا ينـدرى بـه
قلبي من الفرقى صويب ومرتاب كإنه غدى نصفين من هول مابـه

حزني عليه إنه تسبب ولا طاب نظرة طبيبه عجلـت فـي ذهابـه
ريح الخزامى والنفل زين الأطياب يشدني ريح السمر فـي غيابـه
لأقبل نسيم الليل له خيل واركاب وله في طلوع الشمس عز ومهابه
منقـوله :huglove:

اشكرك على هذا النقل الجميل
وياليت تذكر الشاعر حتى تتم الفائدة
لاعدمتك اخي