المارد الاتحادي المرعب يهز قلوب جماهير النصر قبل اللقاء المرتقب

خلونا صريحين ياجماهير النصر وخلوا عندنا قليل من الشفافيه والانصاف ..

بالله هل يقارن نادينا النصر بنادي الاتحاد في اخر عشر سنوات ولو نصف مقارنه بنادي اخذ الاسيويه مرتين

بنادي يمتلك نجوم كأمثال محمد نور وكريري وغيرهم من نجوم الكره السعوديه..

يااخوان يانصراويين خليكم واقعيين ..

بالنسبه لمن يلقب جماهير الاتحاد بجماهير الجاليات اقول هذي الجماهير تفرح كل سنه ببطوله او بطولتين

وعندهم فريق يوثقون فيه ليش مكثرين عليهم يشجعون فريقهم ويحضرون للرياض ..اما جماهيرنا

ماذاقت البطولات من اكثر من عقد من الزمن باستثناء بطوله الامير فيصل بن فهد تحت 23 سنه

يعني بالله ليه نعيب عليهم جماهير جاليات تفرح كل سنه ببطوله افضل من جماهير ماتفرح باي بطوله

الامر الاخر لازلنا في بداية الدوري وبعد مالعبنا المباراه الثالثه وجماهيرنا وكانهم حصلوا البطوله

وقهروا الاتحاد والهلال والاهلي والشباب ..

ترى الاتحاد منافس ثابت في كل البطولات ورقم ثابت في كل المواسم ورقم صعب في كل مباره ..

يعني الاتحاد فريق بطل ولابد ان النصر يعامل هذا الفريق كبطل حتى نتجاوز المرحله ..

اما بالنسبه لجماهير النصر هذي الجماهير اللي ماعندها ذرة ثقه في فريقها وتحظر الملعب وهي في داخلها

الفريق مهزوم مهزوم وماراح يحقق بطوله لان الجماهير مهزومه من داخلها وماتعرف كيف تشجع الفريق..

الجماهير تعرف تجرح في اللاعبين وتعرف تشتم الجماهير الثانيه لكن ماتعرف تشجع فريقها ولاتعرف تتعامل

مع المرحله اللي فيها النصر..

فريق توه بادي الدوري ويحتاج وقفه صادقه وتشجيع للاعبي النصر فقط دون التجريح في االاخرين ويحتاج

الثقه الكبيره في لاعبيه ومسؤوليه ..واتركوا الاتحاد العميد وجماهيره الوفيه في حالها..