رايكم بنوعية ومقادير علف حلالي

اغنام - ابل - دواجن - طيور

السلام عليكم ورحمة الله وبركاته

عسا ان يعتق الله رقابنا من النار بالعشر الاخير من رمضان

بما اني مبتدي وخبركم برسيم شعير تبن قصب تخبطات تصيب وتخطي بعض الاحيان

حبيت اقولكم عن تعليفي لاخر اربعة اشهر مضت

وهي كالتالي :

الصباح ( كيس شعير + ربطة تبن )
العصر ( ربطة قصب + نص برسيم تبوك )
المواليد ( ربطة برسيم طبرجل ربع كيس شعير )

الان افكر اغير للاتي :
الصباح ( نص كيس شعير + نص ربطة تبن ) دائمن التبن يزيد بالمعالف الين العصر فقررت اضع نص ربطه
العصر ( نص كيس وافي + نص ربطة قصب )
المواليد تم اطلاق امهاتهم مع الحلال
فحول الضراب كل يوم العصر تاكل شعير لحالها بمقدار كف اليد مرتين لكل فحل
وملاحظاتي
عدد الغنم 80 راس حريات مع العلم ( جميع النعاج مضاريع دفع علا ولاد والي ما معها شي تحتها ولدها )
13 راس من المعزا
ولله الحمد الغنم زانت علا الضرمه الاولى وتحسنت بشكل ملحوظ
لاكن الان ابي اغير الضرمه لانه القديمه شوي مكلفه علي وفكرت بالضرمه الجديده
هل وبحسب خبرتكم بالتضريم انها كويسه ولا بطاله واصرف نضر عنها
جزاكم الله عني كل خير