معقوووووووووووول ...قصيدة مميزة

معقول .. باقي من الشهر .. 10 أيام
معقول .. راحت منه .... 20 .... ليلة
شفتوا أجل ..؟؟ .. مرت بنا مثل .. الأحلام
مامن جديد .. وكلّن .. يعيش ... جيله
اللي معانا العام .. هـالعام ... ما صام
منهو .. ضمن مستقبله ... وش يجيله
في جيلنا .. مادامت لـجيش صدّام
وفي جيلهم .. وين أبرهة .. وين فيله
كذا الحياة .. تمرّ عام ٍ ورى عام
كم فرّقت ... بين ... الخليل ... وخليله
شف الليالي .. كم تقضّت بـالأعوام
وحنّا نقول ... أن ... الليالي ... طويله
ياهوه .. صحصح عندنا لك .. خبر هام
نصّ الأماني .. في الحقيقة .. قتيله
دنياك هذي .. حزن وجروح .. وأوهام
ومالك على دنياك .. مكر ٍ .. وحيله
كم واحد ٍ .. ودّع حبيبه وسط خام
وعلى حبيبه .. حدّر الدمع ... سيله
بكى فراقه .. !! .. مرّت أيام مانام
بكى .. وروحه ... من فراقه .... عليله
لكن .. نسى .. إنه كذا .. بعد أيام
نفس الأيادي .. يمّ قبره ... تشيله
يارب عفوك .. قبل تلتف الأقدام
يوم الخليل .. يخون .. عشرة .. خليله
ويارب ثبّتنا .. على دين الإسلام
واللي خذاه الطيش ... تهدي سبيله
أقولها .. والعمر .. لو طال مادام
وإعرف .. سنين العمر .. ياخي .. قليله
والحين .. باقي من الشهر .. 10 أيام
طالبك .. عوّض فيه .... 20 .... ليله

للشـــــــــآعر : نوآف آلفهــآد