الخطوة الجاية مهمة ومفترق طرق في الدوري

بسم الله الرحمن الرحيم

السلام عليكم ورحمة الله وبركاته

ألف ألف مبرووووووووك الثلاث نقاط وإن شاء الله فاتحة خير علينا

صراحة اللاعبين ماقصروا ولازم نعطيهم حقهم

فعلا كان كل الكلام على مانسو ومستواه لكنه وبكل صراحة يملك تمريرات جيدة

ووسطنا تحسن في نقل الكورة بشكل صحيح وأنا أرى هالشي بفضل حسني ومانسو

لاعبين ممتازين جدا في تمويل الكور الصحيحة

لكن الشي اللي لازلت ألاحظه في الفريق البطء في تناقل الكور

مادري يمكن رتم المباراة الهادئ جعل هالشي محتوم على الللاعبين ؟؟؟

لكن على كل هي المباراة بالأساس مو مقياس حقيقي لمستوى الفريق

والشي الحلو إن مانكشفت اوراق الفريق حتى مباراة البارحة

فمباراتنا أمام الاتحاد راح تبين لنا مستوى الفريق وبتكون محك رئيسي ومهم في مسيرة الفريق في الدوري

أنا تابعت مباراة الاتفاق والاتحاد في دقائقها الأخيرة

صراحة الاتحاد يملك أجانب على مستوى عالي وهذا دائما مايجعل الاتحاد قوي

لكن أتمنى إن يكون مستوى لاعبينا يطغى على مستوى أجانبهم ويطفئ حماسهم

الاتحاد مشعلل هالموسم ومباراة البارحة مبينة هالشيء

لكن اتمنى وأسأل من الله عز و جل أن يكون هذا الحماس منطفي على أيدي لاعبينا بإذنه تعالى

أنا صراحة ماأفكر في بطولة الوحدة الإماراتي

بل متشوق لمباراة الاتحاد

بس أبي من بطولة الوحدة بأن تكون استقرار في التشكيل واستعداد قوي لمباراة الاتحاد

وصراحة أنا مو ضد ماتورانا

لكن أحسه مشتت وموعارف يثبت على تكتيك معين

وتغيير مواقع اللاعبين بشكل مستمر راح يأثر سلبا على الفريق

لذلك أنا أتمنى الثبات على التشكيل وعدم تغيير مراكز اللاعبين بكثرة

ومادري أحس ماتورانا محتار من كثر النجوم هالموسم ولله الحمد مو عارف من ينزل أساسي ومن يترك في الدكة

وآخر نقطة حاب أعقب عليها هو النجب إبراهيم غالب

صراحة لاعب ممتاز وماقصر البارح وقدم مجهود طيب

لكن مشكلته واضحة من نهاية الموسم الماضي حتى مع مباراة البارح

بعض الكور يراوغ فيها ويتأخر بالتمرير بالتالي تنقطع منه الكورة ويمكن البارح لو تدققون في المباراة عدل ممكن تشوفون كورتين او ثلاث

نتمنى من الكابتن إبراهيم الانتباه لهذه النقطة حتى تكتمل نجوميته بإذن الله

طبعا عذروني على التشتت بالمواضيع لكن من الفرحة بالفووووز مو عارف كيف اعبر عن شعوري

وفي الأخير صياما مقبولا وإفطارا شهيا