جمــاهير متشائمه رئيس يعمل لوحده لاعبين جبناء وتبون بطولات بعد؟؟؟

احترنا معاكم ياجماهير النصر ؟؟

تبون بطولات تبون تفوزون اساسا انتوا في داخلكم ان الفريق لن يحقق البطولات وربما سينافس على الهبوط

اساسا لو النصر هبط للدرجه الاولى ماراح يفوز بالبطوله هذا لان في دواخلكم ياجماهير النصر شيء اسمه احباط

شي اسمه عدم ثقه في الفريق شي اسمه عدم توفيق ..

كل اللي فيكم يانصراويين شي نفسي ترى الثقه تصنع المستحيل ..

لو عملت دراسه لاكثر الجماهير تشاؤما في العالم لتصدرت جماهير النصر هذه الدراسه وبدون منافس وبفارق كبير

جماهير الاحباط والتشاؤم ..

هذا التشاؤم والاحباط ينتقل من المنتديات والجماهير الى قلوب اللاعبين والله لو جاكم ميسي لحطمتوه ولانتهى في

مباراه او مباراتين فقط ..

بالله العظيم اسالكم فريق فيه لاعب مثل السهلاوي وحمود وغالب وعبدربه وعطيف لايحقق بطوله ؟؟

بالله اسالكم لو هذه الاسماء في هجر البارحه ضد الهلال الن يفوز هجر بنتيجه تاريخيه ؟؟

فمبال هذه الاسماء لاتستطيع تحريك رجليها مع النصر ؟؟

ســــــــعد الحارثي البارحه دخل في ربع ساعه فقط وغير مجرى المباراه وقلب النتيجه طيب ليش؟؟

على فكره انا تابعت المباراه لعيون سعد وكنت اتمنى هزيمة الهلال تعاطفا مع هجر لكن لما نزل سعد صلح الهدف

من تمريره لزميله وسعد نفسه من تسبب بالخطأ اللي جى منه الهدف الثاني ؟؟

بالله لاعب منتهي هذا يقلب نتيجة مباراه هذا لاعب فنان لكن ليس مع جماهير النصر المنتهيه..

هذا مثال لاعب كان منتهي بالنسبه لجماهير النصر..

بالله اسالكم من كان السهلاوي في اول موسم لاتمر مباراه الا ويسجل هدف وهدفين وين السهلاوي الان ؟؟

عبدالرحمن القحطاني الديناميت الاعب الخطير الفنان ماذا فعلتم به ياجماهير النصر ؟؟

ياجماهير النصر جاء الدور على خالد الغامدي لكي تدفنوه وهو حي ..

والقائمه تطول في النصر ..

والسبب جماهير متشائمه ولاعبين محبطين وتبون بطولات بعد ...الله يعافينا بس ...



تاكدوا لابطولات ولافوز والموسم كسابقيه لن يحقق النصر ربع بطوله والسبب الاحباط ثم الاحباط ثم الاحباط..


مشكلة النصر لافي ماتورانا ولافي الرئيس ولا اللاعبين..


مشكلة النصر جماهيره فقط...


ان الله لايغير مابقوم حتى يغيروا مابأنفسهم