(هلا بك ) للشاعر: خالد العصيمي

(هلا بك ) للشاعر: خالد العصيمي

--------------------------------------------------------------------------------

هلا بك يالرموش اللي كساها من الغرور غرور
هلا بك يالعيون اللي كستها رموش مغروره
هلا بالبسـمة الحلـوة هـــلا بالـلؤلــؤ المنـثــــور
هلا باللي تغار الشمس من ضيه ومن نـــوره
على ساحل عيونك بحر غامــض من وراه بحـور
غــــرق بـه الـحـاير ومـجـذافــه وبـابــــوره
أحبك كثر ما غنّى الحمام وغــرّد العصـــــــفور
كثر ما حاول الإنسان يكشف سر عصـــوره
أحبك كثر ما هلّت دموع العاــشق المقهـــــــور
كثر ما حاول العاشق يوصف خافي شعـوره
أحبك حب مؤمن يعشق ويـــهوى بنات الحــــور
وهو معذور في حبّه و روحي فيـك معـــذوره
حبيبي بيني و بينك غــــرام الورد و البلــــــــور
جمعهم حب واحد وأصبحوا عشاق مسحــــوره
حبيبي حبنا ما هو قصيده تعجــــب الجمهـــــور
حبيبي حبنا قصة تعيش سنيـن مشـهـــــــــوره
حبيبي لوقعدت أرسمك في شعري ثمان شهور
قضت كل الشهور ولا قـدرت أكمل الصـــــــوره


ان شاء الله ينال اعجابكم

رنووووووده


مشاركه .. راااائعه


صح لساااان .. الشاعر خالد العصيمي


وتسلمين على نقلها ..


ولكن يالغااااليه ..


مشاركات المنقول تكتب بقسم المنقولات الادبيه ..


لذا سوف اقوم بنقلها اليه


لك ِ تحياتي



النااااااااايف

سلمت يمناك اخت رنوووده

على النقل الرائع

وصح لسان الشاعر

النايف وفيصل مشكورين ع المرور

وبصراحه يا النايف انا ماكنت ادري


آآآآآسفـه

انقلها واحذف المكرر

وشكراا