ابشركم ابو مشعل طلع من السجن

اخواني اخواتي منسقات الجمعيات..
وكل من له دين على ابو مشعل..
ابشركم ابو مشعل طلع من السجن وارسل لي وعد ييسدد كل الديون..
لكن جوالاته الاثنين ولابتوبه ومحفظته اللي فيه فلوسه واثباتاته انسرقوا..
(سبحان الله اللي اعرفه ينسجن السارق مو المسروق)
وحاليا ماعنده فلوس يشتري جوال..
وحلف بعد ما يسدد ديونه خلاص ماعاد بيدخل جمعيات توبه..
لان منسقات الجمعيات اغلبهم اذا جا دوره يقولون اتكنسلت الجمعيه..
وانا اقول عجبا !!
واكرر ابو مشعل وما ادراك ما ابو مشعل..
في موضوع احدى الاخوات كان فيه ردود اشبه بالافلام الهنديه..
ورسالته على الخاص احداها..
فيظهر ان المؤلف واحد والله اعلم..
على العموم ابو مشعل دفع بجمعية 20الف الفين الشهر الاول بطلوع الروح والشهر الثاني يقول سوى عمليه لولده وما يقدر يدفع ويبغى اخصم حق الشهر الثاني من دوره بالشهر الثالث ..
يعني اعطيه بالشهر الثالث 16 الف
وبعدها يسحب على جمعيتي زي ما سحب على جمعيات غيري..
الله يكون بعون اللي اكلوها من ابو مشعل..
والحين ابو مشعل بياكلها مني..
كنت بسدده هذا الشهر..لكن لالا..
فلوسك يالاخو بالجمعيه وانت بتكون اخر واحد يستلم بعد ما ارتب جدول اقترحته علي الاخت الغاليه نجمة المساء..
والله المستعان.