مباراة الفتح مهمة ..

السلام عليكم ورحمة الله وبركاته






سنوات وسنوات وحنا نعاني

سنوات وسنوات وحنا نعاني من الفرق المتوسطه والصغيره

المشكله لا نتعلم أبد

كلمه ورد غطاها

النصر لن يفوز على الفتح في المباراة اللي بتقام في الأحساء

إلا إذا النصر أعتبر الفتح هو الهلال أو الإتحاد

أما إذا لعبت مع الفتح على أنه فريق صغير

شفنا الفريق الصغير وش سوى فينا الموسم اللي فات

وشفنا كم مركزه في الدوري متقدم على النصر !

وشفنا تطور مستواه وأبداع لعيبته

الفتح فريق كبير ومن ضمن الكبار

وإذا لم نلعب لشعار النصر فارس نجد

ونحترم الخصم الكبير ( الفتح )

والله لن نحقق النصر وسنجر أذيال الخيبه والهزيمه

الله يرحمك يابو خالد والله يستر عليك يا مرحوم المرحوم

يقول مرحوم المرحوم

كان النصر في فترات في أسوأ مستوياته

واللاعبين يعانون ولم يستلموا مكافئات ولا في دعم

ونص اللعيبه مصابين

والحاله حاله

ويتصادف كل هالمشاكل تكون المباراة القادمه أمام الهلال

المكتمله عناصره المستقر فنيا والمتحفز لمواجهة النصر

يقول يدخل علينا أبو خالد ويلقي

هذاك الخطاب المدوي المزلزل

يقول أقسم بالله ننتظر بس ينتهي من كلامه

عشان نحرث الملعب طول وعرض في التمارين

ونلعب قدام الهلال بكره وننتصر عليه وتعود الأفراح والليالي

الملاح في قلب وبيت كل نصراوي

وفي النهاية النصر بطل الدوري !


أين رجال النصر الأوفياء الأقوياء !

وين فن الخطابه في التحفيز وبث الروح في الفريق

أين الإخصائي النفسي إين إخصائي التغذيه

إين المحاضرات

المفروض يكون في النصر محاضرات داخل النادي

( نفسيه ورياضيه وإجتماعيه ودينيه وثقافيه وتحكيميه )

لتطوير الذات وبث روح المحبه والألفه والحماس في بيئة النصر

يستضاف دكاتره أو أخصائيين نفسيين وإجتماعيين

وتطوير القدرات والمهارات

يستضاف حكم دولي يستضاف رجل دين أمثال

العوضي أو العريفي أو الجبيلان أو عائض القرني أو سعيد بن مسفر

وتكون المحاضرات ثلاث مرات في الأسبوع فقط

يعني مره محاضره دينيه ومره محاضره تحكيميه

ومره محاضرة عن التغذيه وعن الإصابات

ومره عن تطوير الذات وكيف التعامل مع الناس ...إلخ

هذي البيئه النصراويه اللي نبيها

هذي اللي تطور اللاعبين وتثقفهم وتبث فيهم

الحماس والعطاء والتضحيه

هذي اللي تزرع فيهم روح الولاء وروح الإباء

وروح المبادره والروح الجماعيه

سامحوني على الخروج من الموضوع الأساسي

الموضوع تشعب وفي القلب والعقل

كثير وكثير وعسى أطرحها في مواضيع ثانيه

ولكن أرجع للمباراة

إذا النصر أراد الفوز فل يدخل المباراة

وكأن الفتح هو الهلال أو الإتحاد

يحترمه ولا يستهين فيه ويدخلها بكل قوة

الشئ الثاني

إذا شفنا ملعب الأحساء ممتلئ عن بكرة أبيه

في أول مباراة للنصر في الدوري

أهل الأحساء الكلمه لكم والنصر عندكم

تحياتي *