نهايـة غلا ..
ذكرك طرالي وانا في غيبتك حافي
امشي على شوكته وآطى على جمره
احلم بـ طيفك واسولف لك وانا غافي
واصحى وتصحى معي مخنوقة النبره
وحيد والبرد قاتلني على لحافي
والليل ظلّم ولا لي فـ السهر قدره
يا داعج العين يا بحري ومجدافي
يا عدم كرهي ويا حبي وياكثره
ياللي حواني جفا قبلي وبـ خلافي
يا ادفى حنيني ويا برده ويا حره
يا ارق حزني .. تعال اشفق ترى كافي
خليتني في رجالك اسامر القمره
جروح بعدك تساومني على اطرافي
وتزلزل القلب لـ اجل ا تشوف وش صبره
قلبي وفا لك ولكن منت له وافي
اصبح قصيدة حزن والدمع له حبره
دانة بحر لامعة ما بين الاصدافِ
مكسور . ودّه يشوفك .. يا عنا جبره
لا تتركه في عجاف الوقت والسافي
ولا تسمع الهرج صوبه .. عالمٍ قشره
واذا ان شمع الامل ما بيننا طافي
واخذك موج الغرور وتهت في بحره
بكره مصير الزمن يكشف لك الخافي
تندم على مكابرك وتصيبك الحسره
وساوس البعد تثبت لك من الجافي !!
تعرف بـ اني معك 10 / 10
خلك على معاندك وانا على قافي
بـ اقاوم البعد واتحمل شقا ذكره
بـ احاول انساك وامشي فـ الجمر حافي
والا غلانا يريّح في ثرى قبره
وسلامتكم
عبدالله الحديبي الزهراني
