افضل طريقه لتوقيع مع الفريدي ...ولافي ضيقه ماليه مستقبليه

اول شي اسمحولي ان اكتب عن بعض المنتقدين عندنا بالمنتدى أي شي يكتب من حرقة قلب مشجع هلالي طلع له بعض الاعضاء وقال اكيد هذا مطبل او مندس او او او ... الى اخره
<font face="Arial"><font size="3">يعني صار المشجع الهلالي لمن يكتب شي مقهور منه وخايف على مصلحة الزعيم صار خاين ومطبل؟؟!!
ثاني شي
نطالب الادارة بالتوقيع مع احمد الفريدي بأسرع وقت ممكن وين الفكر الاداري وين الاحترافيه ياسمو الامير
وين راح حماسك وتخليصك للأمور الهلاليه بدون علم قبل ماكنا نسمع شي عن المشاكل الان نادينا الوحيد الي دايم نسمع عنه ونادي ثاني عن ديون فقط بس نادينا صار حديث الناس بكل شي
غيرنا الي متأخرين بالفكر والاحترافيه خلصو امورهم في سكوت وهدوء الا احنا ياسمو الامير مافي شي يذكر صحيح
حتى تعاقداتنا نشوف 100 اسم واخر شي يطلع عكس ذالك
يعني لاعب مثل احمد الفريدي نخليه يروح ونحن امس الحاجه له
راح الدوخي وعانينا كثير
وراح رادوي وكمان عانينا والان راح هوساوي والله يستر من هالاعبين الجدد مادري هل بيتأقلمون مع اجواء الزعيم او لا
اذا الاداره ماعندها تعرض للفريدي
اقتراح بسيط يحل المشكله وهو .....

(((حساب بأسم نادي الهلال أي مشجع محب لزعيم يقدر يحول عليه أي مبلغ وبعد فتره راح يمتلي الحساب بالملايين يعني راح يحل ازمه كبيره لنادي )))
انا عارف في عضويات ولها مميزات بس مثلا ياسمو الامير يعني هذي المميزات تصلح مع سكان الرياض فقط
يعني باقي المناطق الي مشترك بالعضويه ايش بيستفيد ماراح يستطيع يكون متواجد بالنادي ولا يستطيع استخدام مسبح النادي ولا شي كونه يدرس او يعمل يعني جماهير الزعيم بالمناطق والمحافظات الثانيه مايستفيد من العضويه
مثلي انا من سكان الشرقيه ايش استفيد؟؟؟
اما لو يكون في حساب واي مشجع يقدر يحول له أي مبلغ الي يقدر عليه بكذا يكون افضل
يعني مثلا
لو الهلال عرض على الفريدي 25مليون
الجماهير تحول مبلغ 120ريال ونقول مثلا الي حولو هذا المبلغ 150 الف مشجع
بيكون المبلغ في الحساب ((120*150000= 18000000)) الحساب 18 مليون
يعني مبلغ الاداره 25 مليون +حساب الجماهير 18مليون = 43000000
يعني 43 مليون تكفي توقيع لأحمد الفريدي ل5 سنوات
ولايتوقف الدعم يعني كل سنه شوف كم بيطلع حساب الجماهير الهلاليه
ولا راح نسمع عجز مالي ولا شي
كل الامور بتكون في احسن مايرام
اتمنى من الاداره عدم التفريط في احمد الفريدي
وكما سمعنا اليوم يدخل فترة 6 اشهر يعني يحق له التوقيع مع أي نادي
وسمعنا ان نادي الفقر عارض عليه 30 مليون هل يعقل ان الهلال لايملك 30 مليون ؟؟؟
خساره كبيره ياسمو الامير لو رحل الفريدي
اتمنا من الجماهير الهلاليه الضغط على ادارة الامير عبدالرحمن بالتوقيع مع الفريدي وعدم التفريط به
والله تعبنا قلوبنا احترقت من بداية الموسم ويدينا على قلوبنا وانتهى الموسم وقلنا الموسم الجاي بيكون افضل بس مع التعاقدات والتاخير الظاهر بنرجع نحط يدينا على قلوبنا
واسف على الاطاله