القرقيعان و المدرسه

قبل سبع سنين أو أكثر كنت مربية صف لما يرفضون أبلات المواد الأساسيه يأخذون مربيات كانت الناظره ذاك الوقت تجبرنا ناخذ مربيات علي قولتها أنتو المواد الغير الأساسيه ما عنكم شغل
وتجتمع فينا إجتماع طارئ قبل القرقيعان

http://www.computerclipart.com/compu...4-0623_SMU.jpg

و تقولنا يعني تجبرنا بطريقه غير مباشره إنه كل مربيه تجيب القرقيعان حق صفها و توزعه بطابور الصباح وإلي ما تجيب تتعرض للمسائله و توزعونه بإبتسامه و تشجيع يعني مو مجبرين
ويبلغون البنات قبلها بيوم علشان يلبسون الأزياء التراثيه الشعبيه
وشوفونا لما نطلع من الإجتماع إلي تعطي الثانيه فلوس و تقولها تكفين إشتريلي معاج ما عندها سيارة أو زوجها ما يرضي و البعض يقول ولا آنا ما أصرف علي المدرسه بجيب أرخص شئ
و بعض المعلمات يتنافسون فيما بينهم والبعض بجيب الأحسن علي حسابهم الخاص علشان ترضي عنها الناظره و تحطلها تقدير عالي
ولما ينتهي القرقيعان تعالو شوفو غرفة المديره كلها كياس كبيره قرقيعان الصيداوي تبرع من الجمعيه بصراحه جمعيتنا مدلعه مدرستنا أي شئ نطلبه توفره للمدرسه تبرع
ليش كلفتي علي الأبلات الخير موجود وين بتودينه

رمضان عباده و عناية بالفرائض و الاجتهاد بالقيام وتلاوة القرآن والدعاء
لا تحملون المعلمه أكثر من طاقتها تراها بنت الكويت
عساكم تعودونه وكل سنه تصومونه

http://www.cartoon-clipart.com/carto...0-0505_SMU.jpg