سنـــــــــه اولــــــــى جامعــــــــه .. يا احلى سنه

..







سلام شلونكم !

اليوم موضوعي غير عن اغلب المواضيع بهالقسم

سنــــــه اولــى جامعـــــه:eh_s(21):



http://www5.0zz0.com/2012/07/21/21/301842362.jpg





بما انه احنا بعطله وانتهت الدراسه

ياللي تقرين سواء كنتي بثنويه ومقبله ع دراسة الجامعه
او سنه اولى وناويه تحددين تخصصج
او خريجه وانهيتي دراستج الجامعيه

راح يكون لج ذكرى بكل زاوية بكليتج ومواقف صعبه وحلوه بهالمرحله او بتمرين فيها :eh_s(21):

حبيت انقلكم شعوري وتجربتي باول سنه لي جامعه

ابي اوصل للمستجدات شعور راح يحسون فيه اذا دشوا الجامعه

انتهت هالسنه ع خيير وبمعدل حلو وممتاز

انتهوا الكورسين ومن اصعب واحلىالكورسات .. الكورس الاول
واجهت فيه صعوبه لانه كل شي يديد علي

الحمدلله دشيت الكليه الللي ابيها واللي تمنيتها وكانت رغبتي الاولى :eh_s(21):

كنت اشوف قبولي بهالكليه حلم وخايفه ما اعيشه


الكورس الاول ..

اذكر اول يوم دخولي باللوبي

كنت امشي وانا ما ادل وين اروح وكنت خايفه ومتوتره وحسيت الكل اكبر مني ودال طريجه الا انا :p
حسيت جني انا الوحيده المستجده :eh_s(2):
ماكنت اعرف احد بهالكليه ولا وحده من رفيجاتي الثنويه معاي

اول اسبوع مر بسلام واستنكار
شي يديد بس واايد حلو
شي غريب بس مممتع


كنت افكر كل ليله شنو البس باجر ؟ اي لون ؟ اي جنطه ! كنت ازهب اغراضي واجهزهم قبل لا انام

كنت افكر شنو بيكون درسنا ! وهل ابرز نفسي بالكلاس ولا اكون مستمعه لين اتعود ع الجو !
اخذ كتب ولالا ! احضر لدرس ولا لا !

كنت انام مبجر واقعد مبجر الساعه 9 وكلاسي 12 ههههه من الوناسه

خذيت عند احلى دكتوره بالقسم وبشهادة الكل والكل يحبها [ امثال الحويله ]

وخذيت عند اسوء دكتوور بالكليه بوجهة نظري واغلب البنات [ الشلال ]

صارت اكشنات ومواقف سيئه اذكرر ليلتها مانمت .. صار اكشن بسبته هههه وصارت السالفه عند العميد ورئيس القسم بس عدت ع خيير

قالي كلمه عرفت وقتها انه صج فرق التعامل بينهم وبين ابله
سمعت انه في دكاتر مايقدرون مايحترمون ما وما .. ! بس ماتوقعت بطيح بموقف معاهم

قالي كلمه بتكون قويه ع مستجده وصعبه شوي !

قالي [ طلعي برا وبيعي كتابج ع البنات لانه مابيج بهالماده !! ]

واااي موقف صعب حزتها :eh_s(2):

اول موقف لي صعب بهالكليه

الزميلات ..

انا اجتماعيه واايد وبداية الكورس تعرفت ع بنات وكان عندي زميلات شكثر بس مالقيت البنت اللي تشابهني وتكون رفيجتي كنت احس صعب احصل رفيجة مثل رفيجات الثنويه

كنت اشتاق لرفيجاتي بالثنوي وافقدهم حيييل
كنت ادش عليهم بالبي بي اقولها فلانه تمنييتج معاي بنفس الكليه وتشوفين كيت وكيت

كل ما اصادف موقف اتمنى انهم معاي بذات my best frnd عشرة عمر معاها


شعوري كان خليط بين خوف وتوتر وشي مجهول وفرح واشتياق ..

خف التوتر وصرت جريئه وامشي اموري بنفسي اعتمدت ع نفسي واايد

صار عندي معلومات كافيه ووافيه مع السوالف في بنات ينصدمون اني مستجده حسبالهم سنه ثانيه وثالثه :p

لانه كنت اسأل وادور واقرا وكويتيات وبهالقسم بالذات ماقصروا معاي ساعدوني بمواضيعهم وصار عندي خبره


الكورس الثاني ..

اسهل كورس بسنه اولى واخف كورس
تأقلمت ع الكليه ودليت كل شبر فيها دليت كل شي كل شي:eh_s(7):

والاحلى زادت معرفتي بالبنات اكثر واكثر صار عندي قروبات ومعارف ورفيجات وصاروا حييل قراب مني كنت اقضي الوقت معاهم واستمتعت بالكليه بالكورس الثاني اكثر

كنا نقعد عند النافوره ونقعد ع الدري وبالمكتبه ونخلص بحوثنا ونراجع وناكل مع بعض ونسولف ونحش ههههه :p


الوضع تحسن وتغير حيل عن الكورس الاول

وحبيت اقولكم تعرفت ع جم بنت معانا بالمنتدى صدفه طلعوا معاي بكلاسي وصاروا وايد قراب مني


كلاساتي كانت كلها حلوه والدكاتره كانوا اكثر من ممتازين حبيتهم

اخترتهم بعنايه مابي اغلط مثل الكورس الاول والله وفقني بخوش دكاتره عسل


وانتهت سنـــــه اولـــــى يا احلـــــــى سنه :eh_s(21):


اخلي التعليق لكم واتحفوني بتجاربكم لسنه اولى