نبدا من الصباح الباكر والطابورالمميز:ch12:
كل يوم طابورنا في الشمس تسلخ روسنا سلخ ( المدرسة غير مظلله )والاذاعة طويلة على (قولتهم هادفة) والبنات مايشوفون شي من الاذاعة:bbbiu: الاذاعة فقط للادارة وللبنات اللي اول الطابور والمعلمات الطويلات, طبعا لاحد تبرع ولاتلطف ولاتعطف انه يرحم هالبنيات من ضربات الشمس .مع انه ينبغي ان يتكنسل الطابور الى ان يتم تضليل المدرسة.:krkrkr:
تعالوا نشوف المدرسة المتميزه من الداخل كانها علبة الوان كل زاوية فيها صبغ ولون وكتابة ,لاتمت للنواحي الجمالية بصلة و(الا الفصول) ازرق واخضر ولوحة على الباب ,ورسمة فوق الباب, ولوحة جنب الباب، ولوحة في الممر ،ولوحة في سقف الممر (هذا كله علشان زوار المدرسة):RoadRunner: والا الغرف تنصبغ ثلاث مرات او اربع طبعا (لان مافيه ذوق في اختيار الصبغ ) عادي( مال عمك لايهمك):denya:
خلونا نروح للساحات الخلفية اللي( مايمرونها الزوار ) اراضي قاحلة ليس فيها لا نبته ولا مظلة ولابرادة ماي فيها جم كرسي (يزاهم الله خير) البنات ماتو من الحر والعطش
(لا ويقولون لاتقطون الحجابات) عزيزي القارئ لوكنت مكانهم كان قطيت ملابسك والله العظيم من شده الحر والبؤس(مدرسة متميزه)
خلونا نزور الاقسام المتميزه طبعا كل قسم متكلف من صبغ وسيراميك وملفات موحده بلون واحد وتجليد فاخر فاخر فاخر ووسائل تعليمية وادوات مكتبية على حسابهم الشخصي (يدبرون انفسهم يدبرون)حتى لو يشحذون عند المسجد او يبوقون بكيفهم،بس لازم يهتمون بالاقسام لانها الطريق الى القمه ،والتميز للمدرسة.:27d66a9c24b146327bf
واهم شي في المدرسة الفعاليات المتميزه:stars: يعني كل معلمة تعصر نفسها عصار على كثر ماتقدر بس تسوي فعالية وعلى حسابها الخاص :23_asmilies-com:يعني (البنر اللي يتعلق ،الدعوة،الضيافة،الوسائل التعليمة,الهدايا للزوار ) يعني قطي تقريبا 30 دك وانتي مغمضة في الفعالية الواحدة ,هذا اذا مو اكثر واهم شي (التصوير) والفعاليات يجب ان تكون على مستوى المنطقة بامر من مديرة المدرسة بغض النظر عن الحضور( انشا الله عمر ماحد حضر) اهم شي التصوير وارسال نسخة للمنطقة التعليمية.:stars:
خلونا نروح حق الحصص المتميزه:ioljnmlk: ماشاء الله على ناظرتنا الله لايحرمنا منها عمرها مامدحت احد في حصصه تدرون ليش؟لانها مايعجبها شي
كله عذاريب على شغلهم على كثر مايشتغلون معلماتنا ويكرفون( مايبن ) والله العظيم معلمات المدرسة ذهب نادر نادر نادر ويصرفون وايد ويتعبون وايد ولايقولون لا،،(في ميزان حسناتهم ):yaaaaaarb:
تعالوا شوفوا اجتماعات مجلس الادارة المتميزه طبعا مدة الجتماع طويلة طويلة 3 حصص واحيانا اربع.،ومافيها شي مفيد كلها طلبات ماتخلص والمواضيع تتفرع والناظرة تتكلم عن مواضيعها الشخصية ومنو دش عليها من اولياء الامور وشنو قالوا لها وشنو ردت عليهم والا تمسك وحده من المعلمات والا الاداريات غير موجوده في الاجتماع وتشوه صورتها ساعة كامله تمسح فيها الارض .حسبي الله ونعم الوكيل.وهي غايبة وملايكتها حاضرة .
وتظل الناظره تمدح في نفسها وشنو قال المراقب عنها وشنو قالوا زميلاتها عنها وشنو مدحوها..طبعا اللي في الاجتماع نايمين :0bee2e8d89:يسمعون من غير تعليق واللي يعلق ياويله تسكته فورا او تلفت الى المديرة المساعدة التي تنقذها من المواقف بذكاء ::تعودوا يخلونها على راحتها تقول ماتشاء الى ان يفرجها الله.:yaaaaaarb: اجتماع مميز وهادف.
نرجع حق الطالبات,,:gathering: الطالبات على ثلاث فئات في المدرسة فئة متفوقة او فئة ضعيفة او فئة عدم طبعا ماعندنا وقت نربي بناتنا لان معلمات المدرسة مشغولين بالفعاليات والتصوير والاذاعة وطلبات المديرة ومطالبها والمقصف والاشراف الاداري وفريق الجوده وفريق العلاقات العامة واعداد سجلات المديرة وترتيبها.الطالبات آخر شي.طبعا معلمات المدرسة يجب ان يكونون سوبر مان او سبايدر مان او الرجل الوطواط اختاري اي شخصية تناسبك المهم تخلصي المنهج.
ثم انه يجب ان تنجح الطالبه( المهم تنجح) :edbf4317b9:انشا الله عمرها مافهمت اهم شي (ماتنزل نسبة المدرسة وتتحول تحقيق)
لاتنسون احنا المدرسة اللي مافيها غياب طبعا لان نسبة الغياب كل يوم يجب ان تمر على المديرة وتختار الرقم بكيفها
(مدرسة متميزه وراقية ):tek:
خلونا نروح حق الرحلات وماادراك مالرحلات مسخرة مابعدها مسخرها يقصون على هالجهال وياخذون 5 دنانير وقيمة الرحلة نص دينار :P_03BA:
اللي باط جبدي ان الاهالي مايتكلمون ,تدرون ليش يشترون وناسة عيالهم مع ان فيه ناس منهم تتسلف ال الخمسة دنانير علشان المدرسة طبعا اهم مايدرون ان (5 دك ×800 عدد بنات المدرسة =4000(اربعة الاف) دك ÷ نصف دك= (ثلاثة الاف وستمائة )3600دك
هذا كله راجع لحساب المدرسة؟وين؟ما ندري
وتخيلوا معي لما تصير الرحلات اكثر من مرتين اوثلاث مرات على مدار العام اضربو العدد في عدد المرات..
اللي عليه قرض بيسدده في خلال سنتين.:P_03BA:
رحلات متميزه في مدرسة متميزه
اما الارباح:jbdwjbd:
الكل عارف ارباح المدرسة من المصادر التالية
ميزانية الوزارة
ارباح المقصف
ارباح البريد
فلوس الرحلات
فلوس الايام المفتوحة
فلوس خميس مدرستنا غير
الفواتير الغير مسجلة برقم
وين تروح؟؟؟ماندري.
يمكن على الصبغ او يمكن على اللوحات.
واول ماوحده من المعلمات تفتح حلقها عن الفلوس بسرعة يقولون ماعندهم فلوس:lololoe: (فقراء مساكين ماعندهم 100فلس)
يتبع؛؛؛
تابعوني
