ولدي بدا يتعلق بالخدامة .. منو تحل لي هالسالفة

مرحبا بنات
انا صراحة تمر علي كورسات بالكلية ارجع متأخر يمكن الساعة خمس العصر
و من الصبح ولدي عمره سنة مع الخدامة
و ملاحظة ان بالنسبة له انا والخدامة واحد
يحبنا نفس الشي
اذا الخدامة طلعت من الغرفة يبجي يبيها
و نفس الشي اذا انا طلعت
خصوصا لما يكون عندي امتحان محتاجه ادرس واهو يزعجني فاخليه عندها بالغرفة الثانية
و اهو ميت ضحك معاها و يحبها حيل
مادري شسوي
يعني بالاخير انا امه و قاعده احاول كثر ما اقدر اقعد معاه لكن ظروفي الدراسية حيل صعبة
انا مستانسة ان خدامتي تحب الاطفال لكن احس ان في احد قاعد يخطف امومتي
شنو الحل بنات؟