احلى حشوة جبن ممكن تسوينها للكنافة و الوربات ../ مثل جبنة الطيباوي

السلام عليكم كويتيات ^^

مثل ما هو مبين من العنوان

عندي لكم وصفة حشوة الجبن للكنافة و الوربات
لذيذة تشبه جبنة الكنافة من الطيباوي

والزين انها سريعة التحضير و مكوناتها خفيفة


بجدر تسخنين :
3 أكواب حليب سائل
وتضيفين له 4/3 كوب سميد نااااعم
وتحركين المقدار لين يغلظ شوي ويصير مثل البشميل


تطفين النار
وتضيفين قفشة كبيرة ماي زهر و قفشة كبيرة ماي ورد و جيس جبنة موزريلا (الحجم العادي) اذا تحبين تزيدين الجبن براحتج
وخلطيهم و استخدميها على طول ^^