[align=center]بسم الله الرحمن الرحيم .
السلام عليكم ورحمة الله وبركاته .
أسعد الله أوقاتكم بكل خير .
-------------------------------
ان لم أكن أكثر الكارهين لمادة الكيمياء وأدلخهم .. فأنا من أكثرهم كرهاً لها ودلاخة(ن) بها ! :icon_roll
أذكر مره كنا جالسين في الفصل ومدرس الماده اللي ما تنقال .. جالس يبربر ويشرح
طبعاً انا بوادي .. والعااالم كله بوادي .. الناس معادلات وشرح
وأنا قاعد أفكر .. مدري أطلب سوبر سايز والا حجم عادي من هرفي عقب المدرسه !! لأن خابر أهلي الجمعه ما يطبخون غداء !! :11umbup:
وأنا في غمرة ( بالرااااء مب بالزاااي يالمهببببل ) انا داري أنكم تدورون الزله .. :icon_sad:
وأنا في غمرة تفكيري .. ما دريت الا ليّ برتقالي على ظهري !! أححححح وش ذا ؟ :يمه:
المدرس له ربع ساعه يناديني وانا معطيه أشكل !!! وأقوم ويسألني :
وش رمز الماء ؟
قلت اللي اعرفه ان السعوديه 966 والبحرين 973 بس الماء والله ما تشرفت بمعرفة رمزها ؟؟ ممكن تفيدنا طال عمرك !
قاااال خلك واقف هناك وارفع رجل وخل الرجل الثانيه مرفوعه :اوبس:
قلت والله لأشتكيك عند ابو ابراهيم ( الوكيل ) واقوله أني سألته سؤال وعيا يجاوب علي .. ووقفني !!
عاد الاستاذ " زلمه " من يوم يجي طاري الوكيل .. والا شي فيه طاري خصم .. يبدا يتنافض
قال : اجلس ابني اجلس .. وبالنسبه لرمز الماء حبيبي H2O .. فاهم ولاااه ؟؟ :11umbup:
قلت فاااهم يا قلبي .. هماني أجلس بس ..
ويوم جت الفسحه .. وأرقى له في غرفة المدرسين وأجيب له معي صبة فلافل .. قلت له : خذ يا ابو شادي فطورك علي
وهو ياخذها .. يقول لا وش دعوا .. يا ابن الحلال ليش تكلف على نفسك ..
وهو يقول " على نفسك " وأثره بالع نصهااااا :biggrin:
قلت اسمع يا ابو شادي .. انا عندي لك كلمة راس
قال : وشو بس ؟؟ تفاح والا فرواله ********!!
قلت .. لا التفاح حق البزارين اللي توهم طايحين فيها ..!! فيه نوع جديد الحين " بالجالكسي " ;)
ويقااااال انه فيه " بالكاتشب " بس مدري .. لا تقول صالح قال وتحطها في ذمتي !!
** نبي نرجع لموضوع أبو شادي ** بس على طاري الشيشه ..
هالحين تلقاهم يشيشون وعلى أصعدة الدخان . . وعلى ايقاعات روبي . . يناقشون قضية الإنسحاب من غزه :icon_sad:
نرجع لأبو شادي ..
قلت له أبيك بكلمة راس .. بصراحه يا استاذ انا هدر بالكيمياء .. وأبي الأسئله !!
ولك مني يا أبو شادي محد يدري أبدددد ..
قال : أهم شي أبو ابراهيم ..
قلت : ازهلهاااا
قال ... طيب كم بتدفع ؟
واطلع له 100 ريال .. قلت هاه تفي بالغرض ؟ :11umbup:
يوم بدا يتنافض .. وبلشت فيه !!؟ قال 100 بسسسسسسس يعني اسئلة كيمياء مثل بطاقة سوا ؟ أيعقل هازا ؟! :icon_ques
وأحط اصبعي على صورة الملك فهد - الله يرحمه -.. واقول لأبو شادي :
تقول شي في أبو فيصل ؟؟؟
قال لا والله على راسي على رااااسي .. :biggrin:
قلت : مدري عنك .. اشوفك تستهتر بالــميه ؟؟ كنها ما أعجبتك ؟؟ ترى هذي اهانه للدوله ؟
( عاد الزلمات .. لا تجيب عنده طاري دوله والا تسفير ) :biggrin:
قال لا والله .. بالعكس على راسي الدوله وأبو فيصل وأبو متعب كمااان
تخيل يا صالح أنا من كثر حبي للملك ولأبوه .. أحتفظ بصورهم في جيبي .. :11umbup:
وأعطيه 50 ريال عربون .. عشان يثق فيني .. والباقي عقب الاختبار اذا تأكدت انا انها نفس الأسئله
مع أني ما أعتقد أنه يجيب غير اللي عطاني .. عقب طاري أبو فيصل .. والدوله ;)
هو طبعاً عطاني الأسئله محلوله .. لاني ما راح استفيد شي لو هي مو محلوله ..
وأحفظ أم الاجابات .. صمممممم
ويوم دخلت الامتحان .. وأثرها نفسهااا مرررره ..
بس بدا يراودني تفكير ..!! وبديت اسولف انا ونفسي :
صالح : معقوله آخذ 30 من 30 بالكيمياء ؟؟
نفسي : ياخي قويه شوي ؟ لا لا لا صعبه والله صعبه اشوف بالشهاده الدرجه الكامله بالكيمياء
صالح : خلاص أجل .. آخر فقره منيب حااالها .. مالها داعي 30 أكيد يبدرون أني غاااش والا مبخشش هالزلمه !!
نفسي : خلاص أجل توكل على الله .. بس لا تعطي أبو شادي الخمسين الباقيه .. لانك ما حليت كل الأسئله .. اتفقنا ؟
صالح : اتفقنا .... ;)
ويوم طلعت الشهادات وأشوف الكيمياء ..؟؟ يؤؤؤؤ 30 من 30 !!
ويضيق صدرري ؟؟ قلت شلون ؟؟ شكلي أخذت شيء ما استاهله ؟ انا حاسبها 29 ؟ درجه جت عندي ظلماً وبهتاناً !!!
وأقعد برهه من الزمن .. ويأنبني ضميري أني اخذت درجة على شي انا ما حليته !!!
وأرقى لأبو شادي ..
قلت ليش مزودني درجه وأنا ما حليت الفقره الأخيره ..
قال : لأني داري لو أنها 29 ما راح تعطيني الخمسين الباقيه .. وبتلقى لك عذر أنك ما تدفع .. بس انا عطيتك 30
عشان ما يكون لك أي فرصه للتبرير والتهرب !!
وأدفع له الخمسين وانا اقول في نفسي " مجبر أخاك لا بطل " !! :bones:
وأروح للبيت وأدخل واشوف امي تحتريني على نااار .. بتشوف النتيجه
قااالت : هاه بشر ؟؟
قلت : تعادل .. ورئيسهم يقول 3 بلنتيات ما حسبهااا :biggrin:
قالت .. اخلص بس .. كم ماده راسب غير الكيمياء ؟؟
قلت يممممه .. واذا قلت لك اني ناجح بكل المواد .. وماخذ ممتاااز بالكيمياء .. وش تعطيني ؟
قااالت : لك أسهمي اللي بالبلاد :11umbup:
قلت : وعد
قااالت .. وعد وأحلام .. بس هاااات خل اشووووف :icon_roll
وتنااااظر .. وتروح تفتح قناة cnbc arabia حقت الأسهم .. وتدعي يااارب ينزل سهم البلاد يااااارب :biggrin:
شوي الا وتدخل أختي .. قالت هاه جبت الشهاده ؟
قلت ايه ..
قالت .. وش فيه غير الكيمياء ؟
قلت وان قلت لك اني ناجح بالكيمياء ومنتااااز ؟ وش تعطيني !!
قالت لك اسمهي اللي بإتحاد اتصالات ..
شوي الا وتروح تستقبل القبله وتدعي مع أمي ينزلن اسهم اتحاااااد :)
شوي الا ويدخل أخوي .. وأمي تغمز له .. لا تتهور لا تتهور
عاد اخوي هامور ( اسهمه بسابك ) :11umbup:
قلت اسمع .. جبت شهادتي اليوم
قال : طسسسس هناك .. تراني خسران اليوم الين رااااسي !! بس يقولون انه بيررتفع بكره .. وخررررر لأتوطى ببطنك
بعدين تعال .. انا سمعت انك جبت الشهاده ؟؟ هاه بشر ؟؟ عسى ما فيه واجد ؟ غير الكيمياء فيه شي ؟؟
قلت له : وش رايك لو اقولك اني ناااجح بإمتياااز والكيمياء منتاااز ..
قال : ابقولك مبروك وأشد من أزرك (( قايلكم هامور ما يتهور على طول ))
قال ما شاء الله مبروووك .. اسمع صويلح .. تكفى رح جب لي كاس ماء .. ريقي نااشف من خساير الأسهم اليوم
قلت على طاري الماء .. أتحداك تقولي وش رمز الماء ؟ ( انا خابر أخوي دهدره بالكيمياء )
قال : واذا عرفت وش تعطيني ؟
قلت : لك الأسهم اللي أخذتها أنا من أمي بالبلاد , والأسهم اللي أخذتها من أختي بإتحاااد اتصالات
قال : H2O
أنا : يؤؤؤؤ !!!
أخوي : خلاص لا تجيب لي مااااء .. عوضت خسايري كلهااا بالأسهم اللي اخذتهاااا منك .. نيهاااهااااااهااااي
مـــلاحـــظـــه : كـــعـــادتـــي ،،، مـــن دمـــيـــجـــتـــي .
صـــالـــح[/align]
