تجمع عالواتساب رجيم ورياضة رمضان

قوة يا حلوات
انا مشتركة بنادي وبسوي رجيم هالرمضان
وناوية انزل 12 كيلو عالاقل بهالشهر
وابي اسوي قروب واتساب علشان اتشجع والتزم
وابي بنات نفس حالتي يعني رياضيات وملتزمات بالرجيم
فاللي حابة تشترك اقري هالشروط ودزيلي رقمج عالخاص
انا بسافر 5 ايام تقريبا اذا رديت بالسلامة اضيفكم بالقروب

وهذي هي الشروط:
1) وزنك اكثر من 90 او تبين تنزلين 25 كيلو فما فوق حتى توصلين للوزن المثالي
2) تكونين مشتركة بنادي او تكونين ملتزمة بالمشي قبل الفطور نص ساعة فما فوق او بعد التراويح ساعة عالاقل
3) ملتزمة برجيم( ربيع /المطوع /طالب /..اللي تحبينه) انا لاحظت ان الدكاترة رجيماتهم متقاربة بالرمضان
والرجيم برمضان مافي اسهل منه
4) يستحسن عمرج فوق ال20 *((عفوا مابي قروب ورررعان))
5)لاالازم يكووون عندج ميزان او تروحين توزنين بالصيدلية وشرط انج تصورين الورقة اللي فيها وزنج
وبس ... ابي التزام منكم وصدقوني اللي تمشي وياي بتنزل 10 كيلو وهي مغمضة

الحين اللي ابيه منكم الردود الطيبة حتى لو ماتبين تشتركين ترفعي الموضوع
واكتبي هني طولج ووزنج وهدفج ورياضتج اهم شي((عفية بنات ابي لعييبة رياضة))
واذا كنتي موافقة للشروط اللي فوق دزيلي رقمج عالخاص وانا انشالله اول ما ارجع من سفرتي افتح القروب


وحياكم