استفسار عااااجل وهام عن الفقاسة اللي طفشتني ؟

اغنام - ابل - دواجن - طيور

اخواني الكرام

النية اني اشتريت فقاسة تجميع وطني القطع ايطالية تقليب اوتماتيك حساس ديجتل لكن الحرارة غير ثابتة في الظهر ترتفع إلى قريب 40 درجة وفي الليل تقريباً 37,7 وإذا فكيت بابها تنزل إلى اقل من 37 درجة ولا صكيته ترتفع اكثر من اول تصل إلى 38 درجة مع العلم اني مثبت الحرارة على 37,6 درجة والغرفة كبيرة شوي وفيها مكيف شغل على طول درجة حرارة الغرفة في النهار 35 تقريباً وفي الليل تنزل عن 30 درجة ، ومع العلم اني نزلت حساس الحرارة مع عند المروحة وحطيته في نص الفقاسة .
اخواني كيف اخليها ثابته على 37,6 ليل ونهار ، يعني ابغى الحساس الظهر مثلاً لازادت الحرارة يفصل ، ولا نقصت يشبك وهكذا .
برجاء عطوني حلول جذرية تكفون ربعي يا هلي يا اهل الخبرة ، ولا تنصحوني اطلب القالية من البايع لأنه قال جربها اسبوع .
واللي مرة يحب الخير بالحيل ويبي دعوة في الروضة في اخر الليل يدق على جوالي 0555001156 الله يحرم على وجيهكم النار دنيا واخرة