يوميـآتيَ وقصتيْ مع الرجييم القآسي !

السلام عليكمَ ورحمة الله وبركاتة

أول شي حابة اعرف نفسَي بما إني يديدة :p
و شو أسوي اهنيه في قسم السمنة والنحافة :) ؟

أنا طالبة عمري 17 سنة من دولة الامارات
وطبعا صارلي سنة ونص اتابع كويتيات ومطيحة على هالقسم أكثر
وعيبني التشجيع واليوميات وتفاعل العضوات :eh_s(22):
ف حبيت اقولكم بدايتي مع الرجيم :p . + ورآح ابدأ احط يومياتي واتكلم عن رجيمي الحالي :eh_s(17):.

طبعاً انا وزني 80 كيلو وماكان عايبني ف بديت اتشجع اني انزل الوزن واعيش حياتي مثل باقي الرشيقات :yaaaaaarb:
ف بديت اسوي "رجيم قاسي " بس كانت فكرة سيئة جدا :p , لاني بديت في فترة الامتحانات النهائية
وطبعا ماكنت اكل شي كنت اتلوع من كل شي وكنت كل ما امشي اتعب لو خطوتين مب من المتن من الرجيم وكنت اصلي وانا قاعدة لاني ماروم اتنفس ف اكتشفت انة فيني فقر دم شديد ولازم اوقف هالرجيم لانه بالنهاية صحتي اهم :eh_s(22): طبعاً أمي وحبيبتي وعيوني ماكانت راضية اني اضعف تقولي جسمج حلو بس يبالج شوي بس انا ما كنت مقتنعة . فنزلت 5 كيلو في اسبوع يا بنات
فرحت واستانست ولكن كنت احس بتعب ودوخة وكل ساعة دبة الماي بأيدي :( .

فوقفت هالرجيم بعد ماوصلت ال 75 ورديت اكل واكل الين مارديت ال 80 :bbbiu: !!!
ف مرة ثانية رديت اسوي رجيم وهو رجيمي الحالي :p طبعاً بعضكم بيقول الرجيم بعده قاسي بس مادري انا عاجبني :p وامي مب عايبنها بالمرة :p !

آلحين بتكلم عن رجيمي :p !

بمأ أني مراهقة مثل باقي المراهقات تحب السهر فليل والنوم في النهار :D
قررت أنة رجيمي يعتمد فقط على العشاء يعني اتم يوم كامل بدون اكل الين الساعة 8 يبدأ عشاي
وعقبه بنص ساعة اشرب لي شاي اخضر واتم على هالحال الين اليوم الثاني وهكذا !
وطبعا العشاء احيانا يكون دسم احيانا لاء واحيانا نص نص :D
بس فعلا شفت نتائج وايد حلوة وماحسيت بتعب ولله الحمد
فكان وزني قبل 80 ويوم بديت اسوية وصل 73 الحمدلله :eh_s(7):

فحبيت اكتب يومياتي ليكون حافز لي ويخليني اكمل ووصل الوزن المثالي اللي هو 60 :p
واتمنى القى تشجيع منكم :eh_s(22):

وف النهاية حبيت اقول I'M WORTH IT :p