جعجعة الرئيس وخواطر الظلام ....!!
مسَاكم الله بكل خير ...
( أسمع جعجعة ولا أرى طحنا ) هذا حال لساننا كجمهور هلالي . الكل سمع تصريح الامير عبدالرحمن بن مساعد في نهاية الموسم
في برنامج كورة مع المذيع تركي العجمة عندما وعدنا بالعمل وان الافعال ستتكلم وليس الاقوال كما في الموسم السابق
ومع بداية الاستعداد للموسم الجديد تضاربت الاقوال بالاقوال
وليس الافعال كما وعد سموه وعادت سمفونية كل سنه مع مشكلة التعاقد مع مدرب ولكن هذي السنة غير ..!!
تم التفاوض مع 25 مدرب وجميعهم رفضوا تدريب نادي القرن الاسيوي ..!! معقووله ..!!
باعتقادي الشخصي ضعف المقابل المادي هو سبب رئيسي بهالشي ومايهون المفاوض القعيطي .
بالاخير تم التعاقد مع الفرتسي كومبارية صاحب الـ CV الأقل من عادي لكن بحسب كلام البعض تكتيكه يناسب لعيبة الهلال
وشخصيا اتمنى التوفيق له حبا في الهلال فقط فقط فقط .
ومن جانب التعاقدات الاجنبية لم نرى النور حتى الان بسبب الخطه الاستثمارية البحته التي تبحث عن( كم يجيبلنا السنة الجاية ...!! )
وليست تبحث عن الاستقرار الفني كما في الاندية الاخرى
وباعتقادي ان جميع اللاعبين الحاليين ليسوا بمستوى تطلعات الهلال وجماهيره ومستواهم الفني لايفرق كثيرا عن محليي الزعيم
والدليل فقدان هرماش ثلاث اشهر الموسم الماضي والعربي كذلك في بعض المباريات والبديل كان يملى الخانه .
والان ظهر خبر نية الادارة في ارجاع ويلهامسون ..! اكثر من علامة استفهام ..!! لاعب في عمر 32 وش بيقدم اكثر من الي قدمه ..!
خصوصا ان اسلوب ويلهامسون يعتمد بشكل مباشر على سرعة اللاعب ( والعمر بيلعب دور ) .
كم اتمنى من ادارتنا العزيزيه العمل على انهاء التعاقد مع لاعبين اجانب يشيلون الفريق وليس العكس وان تكون
ادارة البلطان قدوة لهم ..
( راح الزمن الي كان الهلال مضرب مثل )
وكذلك سرعة تخليصنا من مشكلة الاعب الاسطورة والداهية :s5s: احمد الفريدي ( بالعربي يايوقع يايشيل عفشه والباب ياسع جمل )
لان ابن مساعد الله يعافيه جالس يسايسه مسايس لين صارت الكورة بملعبة وصار يطقطق ع رئيسنا الطيب مره مهله اسبوع
ومره لا هونت ماابي اوقع ومره يقول العرض الافضل بروحله مع عدم احترام الفنيلة والرقم الي هو لابسه ..! :cry:
والي يزيد الطين بلة رئيسنا للحين مااتخذ قرار تجاهه .
وانا لو كان لي من الامر شي قدمت عرضي بمبلغ وقدره للفريدي والعرض ساري حتى بداية اول يوم من الست شهور
واذا اللاعب ماوقع فانا كنادي الهلال اسحب عرضي واعلن ان اللاعب خارج حساباتي للموسم مابعد المقبل ولن افاوضه
وبالاخير مافيه نادي بيقدمله عرض يوازي عرض الهلال لان الهلال بيكون ساحب عرضه .
لكن الي يزيدنا شرهه ع شبية الريح انه يقول ( نتعلم من اخطائنا ) ..!!
كيف تتعلم من اخطائك وانت ماستفدت من سالفة هوساوي والان جالسه تتكرر مع المزيون الفريدي طبعا
مع فارق ان هوساوي احترم جمهور الهلال والفانيله الي هو لابسها ووعد جمهور الهلال انه لن يوقع في حالة رجوعه الا للهلال .. اما الفريدي فالعكس ..!
أرض..جوَّ
- في مباراة الهلال مع بطل انجلترا مانشستر سيتي ظهرت بعض ملامح تكتيك المدرب وهي الضغط على لاعبي الخصم .. طبعا مع تحفظي ع التشكيله الاساسية
- ويلهامسون عندما تم جلبة نهايةالموسم الي فات لم يخدم الهلال الا نادرا ولم يبرز الا في مباراة بني ياس الاخيرة ..!! من ناحيتي اعتبره ورقة محروقه .
- ياسر القحطاني لاعب وكابتن الهلال الموسم القادم بحاجه لدعمنا جميعا حاله حال جميع لاعبين الهلال فنحن وقودهم في الملعب .
- عندما رحل الاسطورة سامي الى اوكسير اتضحت المعمعه والفوضى الادارية حتى التفاوضية ..!! اثرك يابوعبدالله كل شي ..
- انا مع التجديد للاعبين قبل سنتين او سنة ونصف قبل انتهاء العقد والا عرضة للبيع مهما كانت قيمته الفنية .
- باعتقادي في الهلال اوراق محلية مستهلكه وعلى رأسهم العتيبي خيرات الشمري اتمنى اعطاء الفرصة للاعبين الواعدين لمصلحة الكيان .
- عمر الهلال ماوقف على لاعب واحد والكيان دائما شامخ .. لكن حاليا سمعة الكيان اهتزت بسبب الضعف الاداري الواضح .
- توقيع ادارة الفئات السنية مع الاتحاد الاسباني نقلة نوعية على مستوى الشرق الاوسط وليس الخليج فقط اتمنى التوفيق وان نرى نتائجها على ارض الواقع .
- ظهرت اخبار تقول ان ادارتنا الحالية عاتبت ادارة الفئات السنية لانها ماخبرتهم عن خبر مفاوضاتهم مع الاتحاد الاسباني الا بعد التوقيع وهالشي مو من مصلحة الكيان
( ياادارتنا انتي لا انتي الي تعملين ولا تبين الناس تعمل ..!! ) كلام فقط ..!!
- المركز الاعلامي نايم على أودانه صرنا نسمع الاخبار الحصرية من حبيابنا عشاق الكيان وابوجاسر مافضالنا.
في النهاية ( قد نتفق أو نختلف لكن في الأخير يجمعنا حب الكيان والأحترام وتقبل وجهآت النظر ) s13s
:rose:
