على ذمة صحيفة "Foot Mercato": العربي إلى غرناطة
بسم الله الرحمن الرحيم
السلام عليكم ورحمة الله وبركاته
رمضان مبارك علينا وعليكم اخواني واخواتي
جعلنا الله واياكم من صوامه وقوامه
****************
طالعتنا صحيفة "Foot Mercato" يوم أمس تاريخ 15 يوليو 2012
بخبر مفاده إنتقال العربي رسميا إلى غرناطة الإسباني بصفقة بقيمة 5 مليون يورو
ـــــــــــــــــــــــــ ــــ .
الخبر على الرابط التالي:
Officiel: El-Arabi, 4 ans à Grenade
ـــــــــــــــــــــــــ ـــ .
تعليقي 1:
كل التوفيق للكابتن يوسف العربي في مشواره القادم
حتى لو ماصدقت الأخبار
أيضا أقول له كل التوفيق يا كابتن
******
تعليقي 2:
اذا صح الخبر, فأين مركزنا الإعلامي عن الإيضاح ووضع الجماهير في الصورة؟؟
حتى لو الخبر غير صحيح, لابد من خروج المركز عن الصمت والتخاطب مع الجماهير
وعدم تركهم في بين أيدي المستصحفين والطرد وراء أخبار ناديهم الذي هو ملكهم ومنهم ولهم
*******
قبل قليل في التويتر قرأت تغريده لحساب يهتم بأخبار الزعيم وهو حساب ثقه
هذا نص التغريدة:
^^^^^^^^^^^^^^
@alhilal_53
حصري : سوف يعلن المركز الإعلامي بنادي الهلال خلال ساعات خبر إنتقال اللاعب يوسف العربي لغرناطة بشكل رسمي وكذلك أخبار أخرى . #الهلال #hilal
^^^^^^^^^^^^^^
التغريدة تمت كتابتها قبل 10 ساعات من لحظة كتابة الموضوع
خبر يوسف العربي تمت كتابته في الصحيفة قبل 17 ساعة من كتابة الموضوع
إنقضت 17 ساعة وبعدها 10 ساعات
وسوف تنقضي ايام وايام وكأن المركز الإعلامي آخر من يعلم
يااااااااااااااامركزنا الإعلامي الموقر
بالعامية (( داخلين على الله ريحونا واطلعوا وضحوا لنا وش اللي صاير))
علمونا وش السالفة وش اللي يصير بنادينا!!!!
من حقنا نعرف كلششششي
هل هرماش باقي؟
هل ويلهامسون راجع؟
هل فيه تعاقدات جديدة؟
وش صار على المدافع؟
هل فيه صانع ألعاب؟
طقينا والله العظيم طقينا, كل يوم نشوف مواضيع هنا وأمنيات بجلب اللاعب الفلاني والتعاقد مع اللاعب العلاني
كل هذا حبا في النادي وكل هذا لشعور الجمهور بالإحباط وعدم وضعه في الصورة
كل يوم طالع لنا مصدر جديد
وكل يوم يجي أحد الأعضاء ويسدح لنا خبر عن تعاقد جديد وان عنده مصدر قوي
ويعطينا موعد محدد لإعلان الخبر
ويجي الموعد ويختفي هالعضو ماعاد نشوفه بالمنتدى
ليه كل هذا؟؟؟؟؟
ياااااااااااامركزنا الإعلامي بالعربي, ترانا ملينا وزهقنا
يا إنكم تطلعون وتعطونا العلم الأكيد وإلا ترى آخرتها راح ننهبل وتضرب فيوزاتنا
*******
قبل أيام خرج مدير المركز الإعلامي عبدالكريم الجاسر على قناة لاين سبورت
ومن ضمن ماذكره انه خلال يومين يتضح كل شي
خخخخخخخخخخخ
مرت يومين ووراها يومين ووراها يومين
ولا شفنا شي عن طريقكم ولا سمعنا شي منكم
اجتهادات صحفية تلعب فينا يمين ويسار وحنا مع الخيل ياشقرا
*********
أخواني الزعماء,
أخواتي الزعيمات,
آآآآآآسف جدا على حدتي في الطرح وعلى أسلوبي في الكتابة
لكن حاولت اوصف لكم حالتي واتمنى ماتكون هذي حالتكم
وأتمنى أنكم تكونون أهدى مني ومريحين وتنتظرون الأخبار بكل هدووووء
للمرة الثانية آسف جدا جدا جدا
تقبلوا تحياتي وودي ووردي :rose:
أخوكم: ســعـــد
