إدارة النادي وإدارة المنتدى والجمهور...قلة حياء

السلام عليكم ورحمة الله وبركاته
كل عام وأنتم بخير ورمضان كريم
صيف ساخن مدرب ولاعبين أجانب وياسر والفريدي والإدارة وسوالف كثيرة.

لكن اللي مستغربه وماني لاقي له مبرر الهجوم على الإدارة من بعض الأشخاص بسبب وبدون سبب والأغرب صمت إدارة المنتدى عنهم ولاأحد يجي يقول حرية رأي وماحرية رأي.
العام الماضي بهذلوا في اللاعبين لين صار ضدهم رأي عام في المدرجات من يوم اللاعب يستلم الكورة كل العالم تصيح ضده وبكرة عشر مواضيع تهزيء وشرشحة في المنتدى.
وهالسنة الشباب شغالين تكسير في مجاديف الإدارة وبعطيكم مثال على هالكلام :
من بداية الصيف يقولون إدارة النادي ماتفهم وشغلها بدائي وتبحث عن الاستثمار ويستدلون بإنها تتعاقد مع اللاعبين بدون إستشارة المدرب,,آمنا بالله وقلنا كلامهم صحيح لكن الإدارة صرحت نهاية الموسم إنها ماراح تجدد مع ويلي إلا بعد الأخذ برأي المدرب قالوا كذابين هالإدارة ويوم جاء المدرب وقال إنه يبي ويلي عودوا قالوا الإدارة ماعندها سالفة ليش ترجعه طيب وش تسوي الإدارة عشان ترضيكم.

والغريب فيه ناس منجرفة مع التيار وشغالة معهم تقطيع بها الإدارة المبتلاة فيهم.

أتمنى من إدارة المنتدى تلتفت لهم وتسنعهم قبل مانخسر نجوم الهلال سواءاً إدارة أو لاعبين لأنها صراحة صارت مهزلة وقلة حياء .

دمتم بود وعذراً ع الإطالة وموسم حافل للزعيم وجماهيره بإذن الله .