مرض ما لقيت له علاج ارجو من الجميع الدخول

اغنام - ابل - دواجن - طيور

السلام عليكم ورحمه الله وبركاته

اخواني اعضاء منتدي أغنام ارجو ان تفيدوني في مشكلتى من دكاتره وأهل خبرة ومربيين واعضاء

بادخل بالموضوع

الوالد عنده غنم 700 راس نعيمي

لها أكثر من 3 شهور ماتنام بالليل بس تفر وتدور حول بعضها وتتجافل وأعوذ بالله صايره جن ماتقدر حتي تقرب لها

يقول الراعي تجي الغنم تمرح وفجاءه من وسطها تجفل وكل نعجه لحالها تتجافل وبعدين تجتمع على بعضها وتقوم تفر لين تصبح


حتى بالنهار احيان تشوفها تبعد عن حمارها أكرمكم الله وتفر ( تفر وتمشي لين تبعد عن الحمار بعيد )

أحيان الراعي يقول بالليالي القمرية الغنم اشوا تنام اشوا من الليالي المظلمه

للمعلومية كلاب ما معاها الا كلب واحد والكلب هذا ماتجفل منه له معاها فوق 7 سنين ومن شهر مات يعني الحين ما معاها ولا كلب


ولا هي ديرة ذيب نقول تشم ريحه ذيب يعني لو بيجي الذيب بيجي كل يوم ؟؟؟


أرجو من أخواني المختصين وأهل الخبره ومربين الحلال ومن الجميع افيدوني وش الحل مع هالسالفه


المشكلة الجفال والفر والدورة وعدم نوم الغنم اللى اعرفه ان غنمها ماتمسك بالحناء وحنا هالسنه بعد قليل مو مثل كل سنه مدري وش بلاها


والله المستعان

والحمد لله على كل حال ..


أسف على الاطالة ..