امي وخواتي

:krkrkr::krkrkr:السلام عليكم حبيت اكتب لكم عن مشكلتي اللي صار لها تسع سنين اولا عن امي اي نعم امي ماتكلمني من تسع سنين والسبب اتفه منه ما فين علشان ما سويت عرسي في صالة بتقولون ليش ما سويت في صالة لان امي قبل الملجة بيوم طلبت من زوجي ان ياخد لي شقة وهو قال حاليا انا ما اقدر بس بعدين الله يسرها وتقوم امي تعفس السالفة ان خلاص ماتبيه((على فكرة انا تزوجت عن طريق خطبة)) مو عن حب وقمت قلت لها احنا خلاص عزمنا الناس واتفقنا والحين تقولين ما نبيه وصارت مشكلة عودة بس الحمد لله تعدت وملج زوجي علي الا صدمة يوم الحفلة الملجة في البيت اسأل خواتي وين امي قالوا لي طلعت من البيت ما تبي تحضر الحفلة واقعد اصيح انا بجرها سوي لي جدي و الناس يدخلون ويسألون عن امي وقاموا يتكلمون عني جدامي اكيد (( شاردة مع الصبي , لا اكيد حامل بالحرام جدي امها ما جات وكلام وايد)) بعد شهر من الخطبة قلت لزوجي انا ما ابي حفلة ورحنا شهر العسل , والحمد لله الحين عندي خمس عيال تصدقون حتى وانا في الولادة ابي امي تجي تواسيني ما تجي ولا تزورني كل تسب اقبح واوسخ كلام وتدعي علي وعلى عيالي والله احسها زوجة ابوي مو امي قلبها حجر لا خلتني اعيش حالي حال البنات فلقيت الزواج ابرك علشان اهرب من الجحيم تقولون ابوي وينه ابوي مايمشي الا على كلامها
اما خواتي عمري ما جفت خوات نفسهم لا يتصلون علي كل انا اللي اتصل واسأل عنهم ولا يزوروني الا ادا عزمتهم لا وبالغصب بيسألون امي اول شيء ادا رضت او لا كانهم رايحين بيت صديقتهم كل وحدة تشتغل وعندها سيارة انا اللي ما اشتغل انا اعيشهم واطلعهم المجمعات والاسواق وكل مكان بتقولون ما فيها شي بس انا زوجي ما يعطيني الا 40 دينار والله ابيع دهبي بعت مرتين خاتم وتراجي علشان اطلعهم ما يساعدوني ابدا خاطري انا وزوجي نغير جو مع بعض ما عندي احد يمسكهم لا امي ولا خواتي ولا ام زوجي ولا اهل زوجي على فكرة حتى اهل زوجي ما يحبوني بسبب امي ولان يجوفون ان عايشة وحيدة ولا كأن عندي اهل على فكرة بيتنا ما عندهم احد متزوج الا انا والله احس ان ماحد يحبني والله بارة في امي وابوي بعد ازورهم وزوجي كل اسبوعين يعشيهم وما يدخل بيتنا الا في يده صحن حلاوة وامي ماتحترمه ابدا والله تعبت حتى خوات عدل ما عندي ؟؟؟؟؟؟؟