درس عـن طريقــتي فـي الفـاونديشــن ، حيـــااااااااااااااكم

السلام عليكم ورحمة الله وبركاته
لكم وحشه بنات
اليووم حابه اسوي موضوع عن اهم خطوه فلمكياج والي لو ماكانت بيرفكت
لو شسويتو فلخطوات الباقيه ماراح يبرز ، والي هو الفاونديشن
ويمكن هلدرس بيكون الكلام فيه اكثر من الصور بس انشاء الله انه تخلصون منه وانتو عندكم فكره شامله .


اول شي واهمممممم شي والي انا الاحظ اهمال فيه هو البشره الي بنحط عليها الفاونديشن ، صدقوني لو بتحطون جص على بشره تعبانه ماراح يغطي كل عيوبها ، فلازم نهتم بلترطيب والتنظيف وكل شي
اكيد هلشي يبيله موضوع لحاله بس انا احب اذكر هلشي لآهميته ، فبعد ما نجهز البشره ونغسلها وتكون مستعده للميك اب
انا احب اسوي فيشل ثلج سريع ، يشد البشره واحسه يخلي ويهي جاهز للميك اب ، مرري ثلجه بشكل سريع على كامل الوجه .

http://up.arab-x.com/Apr12/HJT87650.png

الحين الخطوه الآولى :
نحط اول شي مرطب انا احب البيس مال قارنييه بس انتي استعملي المرطب الي بشرتج تتآقلم معاه ، زيدي المرطب على الاماكن الجافه وحطي الباقي على الاماكن الدهنيه ، بلنسبه لي هي الي يسمونها ال تي زون الي هي الانف والجبهه
خليه يثبت شوي عقب حطي البرايمر ، خطوووه مهمممممه انا احب ازيده على الامكن الي تكون دهنيه اكثر عشان يثبت لي الاساس اكثر ، الي مستعملته هو برايمر "ميك اب فور ايفر" عندهم مجموعه كبيره تناسب اغلب البشرات انا حبيت رقم صفر الشفاف اكثر شي ، عقب عندنا الي هو اشهر من نار على علم "فكس بلس " من ماك ، احب ارشه فوق البرايمر يعني قبل الفاونديشن احسه يعطيني ثبات اكثر .

http://up.arab-x.com/Apr12/caJ86829.png

الحين نبدى مع الفاونيشن والكونسيلر ، بلنسبه لي ما استعمل كوركتر و هلآشياء لاني الحمدلله ما اعاني من هالات سوده او تصبغات فلو كان عندج مشاكل كبيره فلبشره اكيد لازم تظيفين الكونسيلر الاخضر او الكوركتر البرتقالي ، اول شي لين جيتي تشترين فاونديشن لاتاخذينه على مديح حد كلللللش ، لانه الفاونديشن لونه وتركيبته تطلع غير على كل حد ، فآنصح كل وحده انها تجرب الفاونذيشن على حنجها قبل لاتشتريه وتختار اللون المناسب لها ، والفنش المناسب لها ، في ناس تحب ال مات فنش الي هو خالي من اللمعه في ناس تحب ال دوي فنش ، الي هو رطب ، بلنسبه لي انا احب الفنش الرطب احسه صحي ويعطي نظاره بس اكيد ما يتماشى معا البشره الدهنيه بزياده والفاونديشن الي تشوفونه هو نيود من ديور ، هو خاص للترطيب لكن شفت ريفيوهات ف يوتيوب يمدحونه بعد للبشره الدهنيه لكن ماعندي فكره شخصيا لآن بشرتي مختلطه الى جافه ، اقدر اقول عن هلفاونيشن انه تغطيته متوسطه لكن تقدرين تبنينه وتحطين طبقتين وماراح يبين متكتل ابدن لانه رطب . لو حابين ريفيو خاص عن هلفاونديشن قولو لي لكن
المهم انه تختارين الفاونديشن الي يناسب طبيعة ويهج لانه الي يصلح حق غيرج يمكن ما يصلح لج .

http://up.arab-x.com/Apr12/pEU86820.png

طريقة توزيع الفاونديشن من اهم الخطوات الي تحدد فشل العمليه من نجاحها ، انا احب استعمل الفرشاه المسطحه من سيفورا رقمها 43 وقالو لي انها البيست سيلر عندهم وصج صج تستاهل تعطيج تغطيه حلوه لكن بنفس الوقت طبيعيه ما تحسين قناع على ويهج لكن الاحظ انه شعرها يطيح شوي ، والي تشوفونها الاسفنجه الصفره احب استعملها عشان اوزع الفاونديشن في زوايا الويه وحوالين الخشم واستعملها بعد للكونسيلر لانها صغيره وتدخل بلاماكن الصغيره بلويه ، توزعين الفاونديشن بلفرشاه بطريقة الطبطبه عشان مانخطط الويه وننزل شوي على الرقبه عشان مايكون الاساس مثل القناع .

الحين عندنا الكونسيلر طبعا بلصوره السابقه تشوفون ستديو فكس من ماك ونيود من ديور ، ستديو فكس تغطيه اكثر وهو غني عن التعريف ، ونيود اخف شوي لكن تغطيته ممتازه ، بلنسبه لي افظل طريقه لتوزيع الكونسيلر هي بلاصابع بعدين اطبطب فوقه بلاسفنجه الي على شكل بيضه وتقدرين تروحين على شكل مثلث تحت العين وتدمجينه عشان يبرز لج المنطقه ، اهم شي توزعينه بخفه عشان ما يخطط معاج وتختارين الدرجه الي تناسبج سواء حبيتي افتح او نفس لون بشرتج هاذا خيار شخصي انا شخصيا احب يكون تحت عيني افتح بس مثل مانقول خيار شخصي .


اخر خطوه هي البودره ، مهمممم جدا تختارين بودره مناسبه لنوعية بشرتج اهنيه انا حاطة لكم بودرة سيفورا ، اقدر اقول عنها جيده ، وزعيها بفرشاة كبوكي كبيره بلنسبه لي ما احب احط البودره على كل ويهي بس احطها على خشمي وحنجي و اخلي باقي الويه بس فاونيشن لآني احب مثل ماقلت لكم ال فنش الرطب طبطو فوق الكونسيلر بس شوووي لانه زيادته راح تزيد لخطوط ان وجدت .

http://up.arab-x.com/Apr12/NPB86254.png

اخر شي مثل ماتعرفون البرونزر والهاي لايتر ، بلنسبه لي هلفتره احب البرونز السائل ، استعمل مثل ما انتو شايفين استي لودر برنز قوديسس ، لمتد اديشن وهو عباره عن برونز سائل والي حبيته فيه انه يعطي نظاره للبشره مب مثل المظهر الي تحسينه كله بودره ومغبر ، فعقب ماتخلصين من الكنتورنق ، للي مب عارف ايش يعني درسي للكنتورنق موجود بتوقيعي ، قديم شوي بس انشاء الله مفيد .
تحطين الهاي لايتر ، الي بلصوره مشهوووور وهو سوفت اند جنتل من ماك ، غيره كثير بس حبيت احطه لانه من المفضلين عندي ، والهاي لايتنق يبيله درس خااااااص لانه صج يغير من الفاونديشن ، حطيه على عظمة الخد والحاجب والانف والحنج .
بلنهايه نرش الفكس بلس مره 2 عشان نثبت كل شي وبجذي نكون انتهينا

اهممممممم شي بنات انكم تنظفون ويهكم عدددددل مددددل ، تتآكدون انه ولا نقطة فاونديشن اتم ف ويهكم عقب هاي كله لانه صج حلوو بس اذا ما نشال عدل راح يسبب اظرار كبيره للبشره ، وارد واقول البشره الصحيه النظيفه هي اهم من كل مكياج الدنيا.
ملاحظـه : الآلوان طالعه غير بلتصوير مادري ليش :eh_s(4):

اذا عندكم اي استفسار او طلب لايردكم الا لسانكم واسمحو لي لو ماكان الموضوع مرتب :)