مشكلتي بارت 2

السلام عليكم

بنات حبيباتي انا كنت كاتبه موضوع من فتره وهذا الرابط

http://www.q8yat.com/t957037.html

والمشكله زادت يا بنات :eh_s(2):
كنت مستحمله مستحمله ليما من اسبوع زرت رفيجتي عندها ولدين وكانت دايم تشتكي من عيالها
وكنت اقول بيني وبين نفسي قبل الحمد لله علي الاقل ولدي احسن من عيالها والكلام اللي تقوله عنهم

بس لما زرتها ( الله يتمم عليها ولا يغير عليها بس الواحد وده لنفسه الاحسن )
البيت ما شاء الله نظيف وانا ولدي مستحيل يخلي شي علي حاله ولازم يكتت ويوصخ لما يشوف الخدامه تخم ياخذ منها المخمه ويعل قلبها
عيالها كبر ولدي واحد من عيالها اكبر من ولدي بشهرين يطلعون وينزلون معتمدين علي نفسهم بروحهم انا ولدي لازم الخدامه معاه وانا اللي امسك شغل البيت ولما ينزل عند حمولتي ما يرد الا بصيحه
هادين عيالها ما شاء الله ما مدوا ايدهم علي شي وانا لما يزورني احد الطقم كله يتكسر من دله وفناجيل واستكاين
يحليلهم اخوهم الصغير بو 5 شهور نايم عندهم ما اذوه وانا ولدي بو شهرين يصارخ الحين عندي يمكن مالعه اخوه تخيلوا يا بنات بس الهي بشغله يجي ينام فوقه او يعطيه طراق او يحط الكلينكس علي خشمه يعني ابي انظف خشمه او يحاول يدخل اصبعه بعينه الله يستر
وعيالها ما شاء الله نظاف مرتبين وانا ما يحب يتسبح جني جارته بذبحه اذا شافني ماسكه الطشت الاخضر حتي الحفاظه ناخذ فيها سنه ما يقعد مكانه يقوم ويركض متعبني ومتعب الخدامه معاه اصلا اخر الايام صار ما يهمها لبس ولا مشي عريان
ولازالت سالفه التبجبج موجوده علي حالها خدامتي لها شهرين عندي اول اسبوع قسمن بالله يا بنات ان ايدي علي قلبي هل راح ترضي تقبل تشتغل عندنا وولدي جذي ولا لأ ..... :(

بنات انا قلت لكم الله يتمم عليها بس الواحد يحب لنفسه الاحسن اللي عندها حل لا تبخل فيه علي لاي مشكله من اللي قلت لكم عنها ولو اني مو متاذيه ما كنت كتبت لكم
جربت الطق والتطنيش ما نفع