هلالي يتمنى فشل محترف هلالي .. وهوشة عضو هلالي مع آخر من اجل ياسر !!

بسم الله الرحمن الرحيم

مدخل
(( مشكلة جمهور الهلال خلال خمس سنوات ماضية .. ان البعض يحاول ان ينتصر لرأيه حتى لو خسر الهلال او تضرر ))

إلى الآن وانا اشعر بضيقة لان مشجع هلالي كتب إلى إدارة الهلال يقول (( قبل سنتين قلت لكم لاتجيبون المحترف الفلاني لانه بيفشل , والحمدلله فشل وصدق كلامي ))

عضو معروف بهلاليته وله متابعين في المنتديات وتويتر وعمره فوق 35 سنة .. ويتمنى فشل محترف هلالي حتى يقول للجميع ان رأيي هو الصحيح !!!

سبب ضيقتي ان المجشع الهلالي تحول إلى مشجع صدامي يهمه ان يصيب رأيه ولايهمه نجاح الهلال .. وهذا الأمر خطير خطير خطير على الهلال .. وللأسف يحدث مشكلة كبيرة في قادم السنوات اذا استمر نفس الطرح وحب الذات والإنتصار للرأي الشخصي على حساب الهلال

لاشك ان البعض يناقش ويعيد ويزيد في بعض الأمور ليس ليضر الهلال ولكنه يرى انه بهذه الطريقة هو يثبت حبه للهلال من خلال تكرار النقاشات ..

وعشان اكون واضح الحين بالله معجبكم النقاشات الجدلية .. يعني معبجكم كل واحد يزيد النار حطب .. اللي يحب ياسر واللي ضد ياسر .. ياناس والله المتضرر الهلال ... عتبي على المشرفين وعلى كبار الأعضاء .. ياناس الهلال جالس يضيع والسبب مواضيع لاتسمن ولاتغني من جوع .. اقسم بالله فيه ردود نفسها مكررة من 2009 .. ياسر يفتح فراغات والثاني يقول ماسوا شي .. هذاك يقول هاتفات ضده ويجي الرد سامي تعرض لأكثر .. هذا يجيب احصائية وهذا يرد بإحصائية نايف هزازي !!

ياناس خافوا الله في هلالكم .. والله وضعنا ماشي مثل النصر وجماهيره .. اللاعب عندهم مهما كان ومهما فعل ومهما قدم يجب ان يتفق الجميع انه مميز .. واللاعب مهما قل مستواه او جاب العيد .. يجب ان يتفق الجميع انه فاشل ..
هذي الطريقة هي اللي دمرت جماهير النصر وناديها .. وهي الحين تفتك في جماهير الهلال .. للأسف الهلال جالس يضيع بمباركة من المشرفين والاعضاء وخاصة الكبار .. وبعض الاعضاء الفاضين .. انا استغرب سبب تكرار نفس النقاشات من نفس العضو !! يعني الا رأيك صح .. ياخي خلاص الرسول صلى الله عليه وسلم نهى عن الجدل .. انتم راح وقتكم جدل ونبش في امور تجرح الهلال ..

ياناس ويا جمهور الهلال .. والله هذي المشكلة نفسها حدث ايام يوسف الثنيان في آخر أيامه الكروية وكان البعض يطالب بإعتزاله .. لم نشكك في ميولهم او نتهمهم بالاندساس ..او نطالبهم بالصمت .. لان ذلك الزمان يختلف عن هذا الزمان ..
الان منتديات وإعلام وقنوات وصخب وتويتر وفيس بوك ويوتيوب.. النقاشات تتكرر وتتكرر وتتطور ويزيد العدد ويزيد رقعة الخلاف بين جماهير الهلال ..والمجال واسع لدخول مشجعين من اندية اخرى وصب الزيت على النار ..

من 2009 والبعض يقول ياسر فاشل ويكررها ويعيدها ويحاول جاهداً ان يثبت .. اذا خالفته الرأي قال انك مراهق وتفضل مصلحة اللاعب على الكيان وان هناك منتدى للاعب الفلاني تقدر تمدحه هناك ..
ومن 2009 والبعض يقول ان ياسر في مستوى جيد ويستطيع العودة ويحتاج لدعم ولايوجد معه مهاجم آخر .. واذا خالفته الرأي قال انك مندس او حاقد او تكره ياسر ..

انا اتعجب من استمرار نقاش عقيم لايفيد أحد .. الهلال وياسر متضررين من نوعية النقاش .. والأكبر مصيبة هو زيادة رقعة الخلاف بين جماهير الهلال ..

والله ثم والله اني اعرف البعض للأسف عندما يتعرض ياسر لسب في المجالس او يتعرض للشتيمة لايحرك ساكن .. وللأسف دوافعه ان هناك من يقول ان ياسر مميز ورائع وهداف وهو يريد ان ينتصر لرأيه حتى لو كان هناك شتيمة لياسر وتقليل منه ..


اللاعب هلالي وعاشق للهلال ولانختلف .. مسألة المستوى فقد تكرر النقاش فيها كثيراً واصبح مملاً ولايجدي نفعاً ويضر الهلال أكثر ..

للأسف ان جماهير الأندية الأخرى صارت تضرب الهلال من خلال نقاشات ياسر .. وللأسف اصبح اي مغرد يريد ان يضرب جماهير الهلال .. بكل بساطة يكتب .. اهداف ياسر اكثر من سامي .. ياسر أفضل لاعب مهاجم مر على الهلال ..
وتأتيك أفواج وأفواج حاقده على ياسر ومدافعه عن سامي ومحبة للهلال او منصفة لياسر وسامي وتريد تبيان الحقيقة .. ويأتي بإحصائية وأدلة وصور ومقاطع ويأتيه الرد من عشاق ياسر والهلال وثم يرد هو كعاشق للهلال وسامي ويتطور الأمر في تويتر .. ثم يفتح المنتديات الهلالية وينزل موضوع .. وين اللي قال كذا وكذا .. شوفو لاعبكم من جنبها ولا سوى شي عام كذا وكذا في مباراة كذا !!
وخذ وهات وروح وتعال .. والنهاية خلافات جماهيرية هلالية على لاعب هلالي ..
والسبب مغرد اما حاقد او فاضي او مندس او لايعي ماذا يكتب من خطر على مستقبل الهلال ..



ياجماعة اصغركم عمره 25 والدليل نقاشاتكم وردودكم العميقة والقوية .. توّضح ان اعمار بعض من يتناقش في هذه المواضيع الجدلية يزيد عن 25 سنة .. وللأسف نفس الكلام يكرره من عمره 23 سنة !!




الهلال جالس يتضرر من هالنقاشات الغير مفيدة .. هل تغّير ياسر !! هل تطور مستواه .. هل نسقه الهلال ... هل اعتزل !!


..


والله اني اتجنب النقاش مع جماهير النصر عن مستوى ياسر ,, ببساطة ارد واقول لاعب هلالي وماهو شغلك تناقشني في مستواه .. انا اقدر اجادله واستمر لان اللاعب بالنهاية له حضوره .. لكن لا أريد ان يدخل طرف نصراوي في الخلافات ويناقش والمتضرر اللاعب والهلال ...


اعلم ان البعض يناقش ويقول ان هذه امور هلالية يجب ان نتناقش فيها ولامانع منها .. ولاأختلف في حبهم للهلال .. ولكن الموضوع تطور وأصبح مرتعاً للخلافات والإتهامات وشق الصف الهلالي المعروف بتماسكه ..

اتمنى ان موضوع ياسر يصبح مثل بعض المواضيع المحرمة نقاشها عند جمهور الهلال حتى لاتحدث فجوة

مثل نبذ اي خلافات بين اعضاء الشرف وان الجماهير لاتناقش مطولاً فيها .. لان مثل هذا الموضوع الأفضل هو معالجته داخل البيت الهلال وهذا ماتعودناه ..
كذلك موضوع الكابتنية لأن الأمر بيد المدرب والعضو لايستطيع تغيير الأمر .. فقط يزيد الخلاف بين الجماهير الهلالية ..

فللأسف الان اصبح موضوع ياسر يزيد الخلافات والأفضل تركه والبعد عنه ونقاش مستوى اللاعب كلاعب في مجموعة وليس تحميله ضياع بطولات او غياب مستوى .

خلاصة كلامي الطويل .. واعتذر عن الاطالة .. ان ياسر هلالي وله معجبين يرون ان مستواه مميز او جيد او اللي هو .. وهناك أعضاء هلاليين يرون ان ياسر هابط مستواه وأقل من المطلوب ..
اعتقد الكل شرح وجهة نظره لمدة 3 او 4 سنوات .. ول يزيد الأمر شي لو استمر النقاش وزادت رقعة الخلافات ..


ماجيت اقول لكم لاتتناقشون .. جيت اقول لكم نقاشكم احدث شرخ في علاقة الجمهور الهلالي فيما بينه ..


الخوف على مستقبل الهلال أهم من الجدل حول لاعب سيعتزل بعد 4 سنوات ..


شكراً للجميع