حمام مغربي ولا اروع ..دشي لا يفوتج..
بسم الله الرحمن الرحيم
حياجن جميع ....وصباحكم عسلل......
يمكن شي موغريب ع البعض الي اقوله لكن من كثر ماعانيت وجربت وتعبت حبيت اكتبلكم الي استفدته عن الحمام المغربي
وايد اسمع انه يفتح ويبيض ويصفي بحكم الحجي الي سمعته رحت ركض للسوق ويبت احسن حمام مغربي واستعملته بس مافيه اي نتيجه من الي يقولونه لافتحني ولاصفى بشرتي
هم ادخل بتجارب البنات واجرب بس ع غير سنع ماادري هو الغلط مني ولامن غيري
ارجع واقول كلن يرجع لنوع بشرتها ومهارتها باستخدام اي حمام اوسنفره او خلطه
مني مطوله بالحجي وادش بالموضوع ...بس اتمنى يابنات الي تلقى صدق حجي ادش هنيه وتكتب تجربتها
وابي ردود سنعه ...:D
ندش يالحمام المغربي.............
جهزي نفسج للحمام نفسيا اولا لانه يبي شغل عدل مدل هنيه اقولكم ليش لان اذا طبقتي الحجي الي اقوله راح تحصلين ع نظافه لبشرتج غير طبيعيه وصفاء ونعومه واضحه من اول حمام وراح تعشقين الحمام المغربي ركزو هنيه ع الصفاء راح تلاحظينه بنفسج بعد الحمام ع طول وراج الكل يسالج شنو مسويه بنات انا مااكتب لكم مبالغه انا اكتبلكم شي جربته شخصيا
اهم شي خلقج اليوم يكون جاهز للحمام المغربي
المطلوب منج ....
صابون مغربي + ليفه مغربيه
عصير ليمونه
حنا ايه حنا لاتستغربون تبيض بشكل
صابونة البابايا انا استخدم 5في 1 ولج حريتي الاختيار بالصابونه بس افضلج البابايا
سنفره ..هنيه نبي سنفره تقشر وتغذي وراح اقولج شو السنفره
طريقتي ادش الحمام وانتم بكرامه واتسبح عدل مدل بصابونة البابايا لا حظو انا مااستخدمت بخار هنيه لان السبوح الي اخذته فتح المسامات وبحكم الجو حار
بعدها لاتطلعين من الحمام تكون مجهزه خليط الصابون المغربي الثقيل وتخلطينه مع الحنا وعصير الليمونه وبعدين وزعيه ع جسمج عدل مدل وخليه عشر دقايق
الويه حساس لاتحطين عليه صابون مغربي الا لخلصتي جسمج كله حطي لمدة قصير يعني خليه اخر شي
بعد العشر دقايق غسلي جسمج عدل مدل من الصابون المغربي هنيه انبهه لاتغسلينه بصابون اغسليه بس بماي ومشي بايدج ع جسمج وتاكدي ان جسمج نظف من الصابون المغربي
انبه لاتغسلين الصابون المغربي بصوابين ولاشي بس ماي نظفي جسمج عدل مدل بماي وبايدج مرري حتى تتاكدين ان جسمج صار نظيف
نجي للنقطه الحاسمه الاهي الليفه المغربيه تكون قماش وخشنه شوي انا مختار شي معين بس اروح المحل واختار المناسبه لي
هنيه الشغل عدل مدل تكونين منقعه الليفه بماي حار ابدي افر كي بجسمج ابدي ياليدين راح تطلع لج بلاوي حطي تحت بلاوي خطين لان ياكثر ماسمعت فيها بس ماصارت معي الا هالمره لاني كنت احط اضافات باليفه عشان جذيه ماتنجح معاي
ابدي افركي جسمج جزء جزء الين تخلصين جسمج من البلاوي
بعدين غسلي جسمج عدل مدل من البلاوي
اهنيه استخدمي سنفره طييعيه افضلج ولج حريت الاختيار بس بشرط تكون سنفره خاليه من اي زيت
انا استخدم سنغره طبيعيه وسهله شقر +عصير نص ليمونه +ملعقتين خميره فوريه ودللي جسمج وحركيه بشكل دائر ع كل اجزا جسمج واتركيها 10 دقايق
لج حريت الاختيار السنفره
بعدين اسبحي وغسلي جسمج عدل مدل بصابونة البابايا وبخي ع جسمج ماي ورد
هلحين اتشوفين بجسمج فرق شاسع
النظافه واللمعه والصفاء واضح
نشفي جسمج عدل مدل من الماي ونجي للخظوه الاهم بعد السبوح بحمام مغربي رطبي جسمج
بكريم مرطب ومغذي واحذرج لاتحطين اي ككريمات مخلطه بعد الحمام بس كريم مرطب مغذي
انا مخصصه كريم زبدة الكاكاو مغذيه ومرطبه وتشيل السواد بشكل
وانتي لج حريتي الاختيار ببس يكون مغذي ومرطب
وهنيالج بجسم مشدود وصافي ولامتع ونظيف بشكل
احذرج لاتبصين ع الطريقه الي قلتج عشان تشوفين النتيجه عدل مدل
احترامي للجميع
:yaaaaaarb: يارب ينجح معكم طريقتي
