إلي قدمو على aum أو acm دخلوو ~
السلام عليكم ورحمة الله وبركاته
شلونكم بنآت شخبآركم؟
ان شاء الله يجمعنآ ذآك المبنى السنع الي قدمنآ عليه :p
آول شي خنتعرف على بعض جم نسبتكم وليش اخترتو هالجآمعة او الكلية بالذآت وشنو تخصصج الي تبينه و اي level يبتو بالامتحآن ؟
آول شي انا ببدي وبقولكم قصة حيآتي خخخخخخخ
انا الحمدلله تخرجت من تشعيب علمـي وبنسبة حلوة ومع اني طول 12 كنت افكر وين بكمل درآستي او وين بدش الا ان بهاللحظة حسيت اني ضآآيعة فقررت اني اسجل بعثة خآرجية
وكلمت الأهل بالموضوع شجعوني حيييل وقدمت
لكـــــــــــــــــــن !
الي صآر اني سويته استخآرة لآن تدرون هآذآ مو لعب مستقبل وجذي
ويا سبحان الله طلعت سفرتي كلش مو زينة ومآفيها خير لي
أول شي كله صدري منقمت وحآسه اني مو حيل مرتاحة ومرآت أبجي
وثآني شي كل مآ قررت اختار شي تصكر بويهي لآ من دول ولآ تخصصات
وثآلث شي ( أهلي ) انا وحدة بطبعي انقمــت اذا قعدت بروحي حييل اتضآيق باختصار اجتماعية واحب البشر :p
صح في بنت بيكونون معآي لكن لآ مستحيل اهد اهلي الي تعودت عليهم ورفيجآت عمري الي أقدر أأمنهم على اسراري والي اهلنا يعرفون بعض وثقة و.. و..الخ
وخآصـة اختي الله يخليها لي وامي وابوي الله يطول بعمرهم واخوآني ونجرتهم مآقددددر:eh_s(2):
كنت حآطه ابآلي ان هيآآآ ونآسة بسآفر بروحي بستآنس و.. و..الخ
بس لمن فكرت بالغربة اكتشفت انها صعبة حيييـــــــــــــــــــــ ـــــيل بالنسبة لي ماقدر اعيش وحيدة:eh_s(11): حتى لو جم يوم
مآعلينــآ عآد الحمدلله اليوم رحت كتبت كتآب بالتعليم العآلي ووقعت وشآلو البلوك عني وسحبت من البعثات الخارجية وسجلـ بالـ aum الي من زمآن حآطتهآ إبآلي:eh_s(15):
أدري طولت بالقرقة بس بنآت الي مقررين يسآفرون استخييــرو ترى وربي رآح تنفعكم حييل وحق مستقبلكم شي حلو تستخيرين ربج وتستشيرنه:eh_s(7):
المهم انا ببدي وأتمنى أشد التمني ألقى بنآت ويآي :D
النسبة : 93.20 " ما شاء الله "
التخصص : هندسة كمبيوتر او صنآعية " هذيل الاثنين بس مسجلتهم "
تمهيدي : level 1
سبب اختيآري الجآمعة :
1- الغآلبية يمدحونهآ " مدح نآس اعرفهم وشطآر "
2- تآبعة لـ Purdue University وهالجآمعة معروف قوووية حيل بأمريكا ولها بعثآت
3- تعآمل الدكآترة والمبنى وكل شي حلو
4-اهتمآمهم بجدية الطآلب بالدرآسة أكثر من شطآرته , يعني الي يجتهد ويدور ويبحث حتى لو معدله متوسط يعطونه لآنه يستحق
5-مآكو سوآلف وآسطآت وغششني واغششك وقريدآت بالوآسطة
6-النآس الي اهنآك الغالبية يايه للدرآسة " مجبورين لآن رآح يدفعون زيآدة اذا سقطو " فمآكو مجآل للاهمآل والتسيب
7- النظآآآآم وانا هالشي مهم عندي حييـــــــــــــــــــــل
هآذي اسبآبي لاختيآر الجآمعة
وآتمنى البآجي نتعرف على بعض عشآن نسآعد بعض بالآوقات اليايه :eh_s(7):
وموفقين اجمعين ان شاء الله
