احلامي الغريبه هالاسبوع ( قشره بشعري , حنه بيدي )

السلام عليكم خواتي ,
الاسبوع الي طاف حلمت احلام وايد غريبه وحيروني واتمنى تفسرون لي اياهم
هم 4 احلام
الحلم الاول
حلمت اني كنت فبيت رفيجتي وواقفه قدام المنظره اعدل شعري , وانا اعدله فجأه قامت تظهرلي قشره
وبشكل غرريب كانت تتكاثر كل ماأحرك شعري , وكنت مستغربه واحركه ابي القشره تروح , وكانت تكببر وتتكاثر وفجأه صارت كتل قشره بشكل كور بيضا من كبرها وكثرهم كنت اشل الكتل من شعري واحطهم بالتسريحه وانفض شعرري ابيها تروح شوي شوي قامت تخف , وراحت تقريباً
قالتلي رفيجتي تعالي بحطلج شي ينظف شعرج , حطتلي بشعري جاي احمر ولفته بنايلون وبعدين نظف وغسلته , واليوم الثاني كنت اكلم رفيجتي مو هي وحده ثانيه , اقولها الي صار بشعري وانه ماكان فيني وفجأه طلعلي وراح ,,
الحلم الثاني ,
اني كنت قاعده من هلي ابوي وامي واخواني واختي فالسطح , وماكان سطح بيتنا بس فالحلم كان ع اساس انه سطح بيتنا ,, وناطرين صلاة المغرب , وصارت الساعه 7 وللحين ماأذن وكنا مستغربين انه تأخرت الصلاة مع انه كان الليل ,, فجأه تغير الجو وصار الهوا قوي كنه عاصفه ,
وكان قدام السطح مجابلنا برجين وفوق كل برج قبة.. وكان لونهم برونزي .
ومن قوة العاصفة تناثر القبه وزجاج القبة كان متناثر بالسما كلها ,, وبس
الحلم الثالث
اني كنت طالعه مع اختي ورفيجتها , ورفيجتها ماسكه تلفونها وتقرى برود كاست مكتوب فيه انه واحد مات والحين يده قاعده تحترق وانه باقي كم متر ويوصل للنار ويحترق كامل وقالت لنا في وقت ندعيله ؟؟ قلتلها اي يلا كلا ندعيله وكنت حيل خايفه

الحلم الرابع
ماذكر تفاصيله بس اني كنت متحنييه بيدي ومستانسه وايد لاني من زمان ماتحنيت .. وكانت يد ناشفه والثانيه ناطرتها تنشف