اتمنى من الجميع الدخول والمساهمه

السلام عليكم ورحمة الله وبركاته
اسعد الله ايامكم جميعا .... ويا رب يكون الجميع بصحه وعافيه وسعاده

يا اخوان انا حبيت اكتب الموضوع هذا في قسم الجمهور الاهلاوي لانه اكثر قسم متابع ..
وعارف انه موضوعي له قسم يخصه .. لكن عمل الخير تتسع له جميع الاقسام
واستاذن من المشرفين عدم حذفه لتعم الفائده

الموضوع يا اخوان انه معروف قرب شهر الخير وشهر التسامح ( رمضان ) الله يبلغنا اياه واياكم
ووهذا الشهر عن نفسي اتمتع فالمناظر الي اشوفها فيه واعتز فيها
واكثر منظر يسعدني وقت الافطار لما اشوف المسلمين من جميع جنسياتهم على مائده واحده
وهذا المنظر دائما ما يكون في اي مشروع افطار صائم ... جزى الله القائمين عليها كل خير

لكن الي غافلين عنه وجود مسلمين واخوان واقارب لنا في دول اوروبيه كثيره
ويعانون من صعوبه في ايجاد الاجواء المناسبه ووجبات الافطار وراح اتكلم بالتفصيل :

لي اخ في ولاية جورجيا في امريكا وتكلملي بالمعاناه الي يعانونها في شهر رمضان ، حيث الغلاء الفاحش في اسعار المواد الغذائيه والمعروف انه المبتعثين في الغالب من اسر ميسوره ماديا والمكافاه الي تصرف للطلبه 1800 دولار ولا تكفي لاي شي ، فذكر لي انه الولايه يوجد بها كثير من العرب وبعض المسلمين الاخرين والاهم في ذلك الطلبه ، فلم يجدوا حل الا الاتصال بالملحقيه السعوديه في امريكا للمساعده ، فاحتجت الملحقيه بعدم وجود نادي سعودي لانه اي ولايه فيها نادي سعودي يتم دعمها بالوجبات ومشروع افطار صائم ، فبادر هو ومجموعه معه من الطلاب والطالبات بانشاء نادي وتم الاتصال بالملحقيه وابلاغهم بذلك والمصيبه انه الملحقيه تكفلت فقط ((( بالتمر ))) وهذا شيء ماسف .

المطلوب يا اخوان الي يملك الاستطاعه ولو بخمسه ريال لا يبخل فيها لانها راح تاثر وما راح اتكلم عن الاجر لانه كلنا عارفينه والمحفز فالموضوع انه الطلبه والطالبات استاذنوا مدير الجامعه بالسماح لهم باستخدام الكافتيريا لمدة ثلاث ساعات لتجهيز الفطور وسمح بذلك (( وهو من ديانه غير مسلمه )) وتبرع مجموعه من الطلاب والطالبات بتجهيز الفطور يوميا .

فاتمنى من الجميع المساهمه والنشر لمساعدة اخوان لنا لم تنسيهم متعة الحياة فامريكا وملهياتها وهم في سن صغير دينهم وواجباتهم

وهذا رقمي لاي شخص يريد المساهمه
0507842744

.