اهداء للشيخ جمل بن ناصر بن شري
السلام عليكم ورحمة الله
الشيخ // جمل بن ناصر بن شري صاحب مواقف مشرفه مع ربعه ومع غيرهم
واحد هذه المواقف جعلني اهديه هذه القصيده...
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعشاق النعم واهل المديح ومضرب الامثـال=جمل ناصر على شرف فعول الطيب داعيهـا
معزبها على طول السنين بلا جـدل وجـدال=وراثـه والوراثـه حـق وامـلاك لراعيهـا
مقامه يحتقر من هو خذاهـا بالدجـل والمـال=تشـوم لعمهـا ماهـي تطيـع عليمـي فيهـا
مقام يحرج كبـار الروابـع ماهـو بينطـال=على كسب المراجل دايمـاَ نفسـه مضريهـا
غدا كنه طويق لمن توزى بـه ذرى وظـلال=الين اثنـت عليـه النـاس قاصيهـا ودانيهـا
سلايل عزوة تبقى على مر العصـور ابطـال=حفيد اللي خذا الثار اخلـف القـوم وهقاويهـا
هذاك ابن شري زال الزمـان وماقفـه لازال=ليامنه ذكر يرفـع عـرب واخـرى يوطيهـا
يابن شري وجب شكرك علينا والصحيح يقال=عليك البيـض مثنيـات كاسيتـك وكاسيهـا
تنومسك وتنومس بك وقار وهيبـةِ واجـلال=تليق بحضرتك وانـا علـى الاشهـاد بانيهـا
مشاعر شاعر جاها عن الخاطر قذى وجفـال=تبي بيت القصيد اللي لابـو ناصـر يوديهـا
اروضّها واريضّها وتجي فيك الدقـاق جـلال=تطاوعنـي واطاوعهـا تراعينـي واراعيهـا
كما شعل قهرها صوتك وخفّت من الزرفـال=عطتـك وجيههـا ويراقـب اولهـا لتاليهـا
خذت الاول على (الملقا)طبوع وزين خلق وفال=عطاها مشعل الكـاس بجـداره والله معطيهـا
يقولون الجميل ينومس ويفخـر بـه الرجّـال=وانا اقول الجمايل تفتخر لاصـرت راعيهـا
مثل ماتخضر الارض السنه من وابلِ همـال=مواقيفك تخضّر في النفـوس تعـل ضاميهـا
ترى امِ ماانجبت مثلك عقيم لو تجيـب عيـال=اذا ماهـي بترجـي شيـخِ سواتـك يسويهـا
يابن شري وجب شكرك علينا والصحيح يقال=عليك البيـض مثنيـات كاسيتـك وكاسيهـا [/poem]
