خبيرات موقع ebay استفساااار

السلام عليكم
شلونكم كويتيات

عندي استفسار في موقع ايباي
انا اخترت تقريبا سلعتين من تجارين مختلفين من الصين
وكل سلعه لها مواصفاتها وسعرها وشحنها
وحطيتهم بسلعه وحده..... اوكي
اللحين انا بدفع عن طريق باي بال حلو..
اللحين الباي بال راح يقسم فلوسهم بينهم ولا شلوون؟
هذا السؤال الاول
السوال الثاني...... هالتجار يشحنون مجانا لجميع الدول
وفي منهم مايشحن الا لدول محدده وفي منهم ماشحن للصين واهم اساسا من سكان هالدوله...
وانا عندي صندوق ارامكس في الصين
اقدر احط عنوان الشحن عليه افضل؟؟

والاستفسار الاخير
لو حطيت كذا سلعه في سله المشتروات من تجار جنسياتهم مختلفه من كذا دوله
اي عنوان احط بالنسبه لصناديق ارامكس الصين ولا امريكا ولا بريطانيا؟
مايصير اخلي كل واحد يدز ع صندوق دولته؟؟

ولا كل سلعه اشتريها بروح؟

ومشكووورين
ياحلاه امازون بس بلا تعقيد بلا هم
بس مشكلته بضايعه امريكيه بس