ينك الراجحي وشركة الجميح وجهان لعمله واحده !! استهتار بكل المقاييس !!

السلام عليكم

حقيقه خبر جنرال موتر بشأن ان تكون شركة الجميح لسيارات الوكيل الحصري لتوريد سياراتها الفخمه والرائعه والمستخدمه مع افراد الشعب بكل فئاته يبعث بالقلق وعدم الارتياح بعد استبعاد شركة
العيسى و شركة ( نسيت اسمها حاليا ) لانه في الحقيقه شركة الجميح اسوء شركه في التعامل مع عملائها خاصه بعد البيع والدليل لا يوجد لها فروع صيانه في بعض المناطق وكأن السيارات
جاءت لثلاث مدن رئيسيه الرياض جده الدمام .
خذووو اكبر دليل على فشل الجميح لسيارات والتلاعب الكبير اللي تقوم فيه : اوجدت الشركه صيانه فرعيه تسمى ( اس دي دلكووو ) ان شاءالله يكون الاسم صحيح في المناطق التي لايوجد فيها
صيانه الجميح الاصليه التابعه لشركه تقوم هذي الورشه بالصيانه السريعه مع بعض الخدمات البسيطه لاهل الواسطه او تدفع فلوس لاجل الصيانه واذا تسألهم تابعه لمين الصيانه قالووو للجميح لكن ماهي للجميح تلاعب
عيني عينك لاجل مايقومون بالصيانه المجانيه لسيارات الجديده والاطم عندهم زيت محرك سيئ جدا ينحرق بدري لاجل يرجع العميل يغيره بعد فتره بسيطه عكس الزيت الموجود في صيانة الشركه خاصه
للكاديلاك بانواعها والسيارات الفخمه على قولتهم واذا تحتاج قطع لسياره لابد تتطلب من الرياض ولا جده واذا مافيه وهذا يحصل كثير تطلب من دبي وشف كم يوم تقعد وانت معلق بدون سياره
واذا جاءت القطع ماتجد الفنيين المختصين ويتم تركيبها كيفما اتفق .
الله على بعض الفروع لشركه في بعض المناطق تقول داخل مطعم او ورشه صناعيه موقع قديم وصغير ما يكفي لاكثر من 4 الى 6 سيارات وخذ لك سرررا كم يوم !!
واذا تتتصل على الشركه تشرح مشكلتك ما تجد حل وحاطين قسم خاص ( vip ) احياننا كثيره مايردون يدق حتى يقفل وان ردووو حولوك من واحد في واحد ولن تجد من يحل المشكله وآخرتها دبر نفسك .

طبعا يساعدهم في ذلك وزارة التجاره والغرف التجاريه التي لم تلزم الشركه بفتح صيانه في جميع فروعها بالمملكه فهم يسمحون لهم ببيع السيارات في اغلب مناطق المملكه ولا يكملون ياقي خدماتهم المتفق عليها بالعقود
ومنها المساعده في الطريق الصيانه المجانيه والخدمات الآخرى وهذا فيه استخفاف بالعملاء اللي هم مواطنين لهم حقوق بعد البيع فالحين ياخذون دراهم شراء السياره وبعدها بكيفك !!

اذا الشركه من اول ومعها منافسين ما تجد الخدمه المناسبه لما بعد البيع كيف واصبحت الوكيل الحصري والله ضعنا !!!

تذكرت هذا التلاعب والاستهتار بخدمات الراجحي البنكيه خاصه اذا دخلت البنك وتبي حل لمشكلتك او لديك شغله بسيطه لن تجد من يقدم لك ادنى مستحقات العميل بل على العكس تكون عميل غثيث كون عندك
مشكله او شغله وتبيلها حل من عندهم علما ان الحل يقدر عليه اي موظف لكن الله المستعان لذلك انسحب كثير من العملاء من البنك الا اذا عندك ملائين فا انت مرحب فيك !!

فهما وجهان لعمله واحده والله يعيننا على شركة الجميح بعد اعلان شركة جنرال موتر بان يكون الجميح لسيارات الوكيل الحصري لتوريد سيارتها في المملكه العربيه السعوديه !!!!!!!!

لكون الشركات شبعانه ما همها جيت ولا ماجيت طز فيك ولا تهمهم في شيئ فهم من مبدأ اذا ماجاء هذا البسيط يجي بسيط ثاني لانهم بلا حسيب ولا رقيب وانا متأكد ان هذي المشكله معى كثير من الناس !!!!

تحيتي لكم,,,,,,,